حوزہ نیوز ایجنسی کی رپورٹ کے مطابق، انطاکیہ اور مشرقی علاقوں کے رومن کیتھولک مسیحیوں کے اسقف یوسف العبسی نے اپنے دفتر سے جاری کردہ ایک بیان میں سید حسن نصراللہ کی شہادت پر لبنانیوں، خصوصاً شیعہ برادری، سے گہری ہمدردی کا اظہار کیا۔
اس موقع پر انہوں نے تعقل، حکمت اور صبر کی تاکید کی جو شہید نصراللہ ہمیشہ اپنے پیغامات میں بیان کرتے تھے۔
اسقف العبسی نے اس بات پر زور دیا کہ یہ وقت قومی اتحاد کا ہے اور مستقبل میں درپیش خطرات کا سامنا کرنے کے لیے اختلافات کو بالائے طاق رکھنا ضروری ہے۔
