حوزہ نیوز ایجنسی کی رپورٹ کے مطابق، غزہ کے طبی اور ہسپتالی ذرائع نے تصدیق کی ہے کہ اتوار کی صبح سے شام تک اسرائیلی فوج کے مختلف علاقوں پر حملوں میں 31 افراد شہید ہوئے ہیں۔
اسی دوران، انسانی حقوق کی تنظیم "نارویک" کے ڈائریکٹر نے الجزیرہ کو انٹرویو میں بتایا کہ "اسرائیل نے غزہ کے زیادہ تر ہسپتالوں کو نشانہ بنایا ہے"۔ انہوں نے زور دے کر کہا کہ "ہم مسلسل خوف میں زندگی گزار رہے ہیں، اور خان یونس میں یورپی ہسپتال کے باہر کوئی سیکورٹی نہیں ہے"۔
غزہ کی وزارت صحت نے ہفتے کو بتایا تھا کہ گزشتہ 24 گھنٹے میں 189 فلسطینی شہید یا زخمی ہوئے ہیں، جبکہ نسل کشی کی اس جنگ میں شہید ہونے والوں کی کل تعداد 51,201 ہو گئی ہے۔
رپورٹ کے مطابق، 18 مارچ 2025 سے اب تک غزہ میں شہید ہونے والوں کی تعداد 1,827 اور زخمیوں کی تعداد 4,828 ہو چکی ہے۔
یہ تازہ اعداد و شمار ظاہر کرتے ہیں کہ غزہ میں انسانی بحران دن بہ دن سنگین ہوتا جا رہا ہے، جبکہ بین الاقوامی برادری کی طرف سے فوری اقدامات کی ضرورت ہے۔
آپ کا تبصرہ