حوزہ نیوز ایجنسی کی رپورٹ کے مطابق، ایرانی وزیرِخارجہ عباس عراقچی کا کہنا ہے کہ ہم نئے سفارتی عمل میں جانے کے عمل کو خارج از امکان نہیں سمجھتے لیکن امریکہ کی جانب سے دھوکہ دہی کی ایک تاریخ ہے، جس کی وجہ سے ہمارے لیے امریکا پر بھروسہ کرنا آسان نہیں ہے۔
انہوں نے موجودہ امریکی صدر ڈونلڈ ٹرمپ کے پچھلے دور حکومت کے دوران 2015ء میں جامع مذاکرات کے عمل سے دستبرداری کا حوالہ دیتے ہوئے کہا: امریکا نے اس وقت بھی غیر قانونی اور بالکل یک طرفہ طور پر ایسا اقدام کیا تھا۔امریکی صدر نے نہ صرف ایران کو دھوکا دیا بلکہ اپنی قوم کو بھی دھوکا دیا ہے۔
ایرانی وزیرِ خارجہ نے مزید کہا: ٹرمپ حکومت حالیہ جنگ کے دوران اسرائیل کو ایران کے خلاف غیر معمولی سیاسی، فوجی، انٹیلی جنس مدد فراہم کرچکی ہے حالانکہ جنگ بھی اسرائیل نے مسلط کی تھی اور پھر ہماری ایٹمی تنصیبات پر حملہ کرکے امریکا جنگ میں شامل بھی ہوا تھا۔
انہوں نے کہا: ہمارے سفارتکار چین اور روس سے رابطے میں ہیں تاکہ مغربی ممالک کی جانب سے اسنیپ بیک پابندیوں سے نمٹا جاسکے۔
آپ کا تبصرہ