حوزہ نیوز ایجنسی کی رپورٹ کے مطابق، جامعہ امام جعفر صادق علیہ السلام جونپور کے مدیر حجۃ الاسلام و المسلمین سید صفدر حسین زیدی نے 39 ویں بین الاقوامی اسلامی وحدت کانفرنس کے دوسرے ویبینار میں کہا کہ حضرت محمد مصطفی صلی اللہ علیہ وآلہ وسلم کی ولادت کی پندرہویں صدی میں اتحاد کے عظیم الہی مقصد بالخصوص امت مسلمہ اور اہل اسلام کے اتحاد کو عملی جامہ پہنانا ضروری ہے، خصوصاً امتِ اسلامی اور تمام اہلِ کلمہ کے درمیان اتحاد قائم ہونا وقت کی اہم ترین ضرورت ہے۔
انہوں نے کہا کہ "ہفتۂ وحدت" محض ایک نعرہ نہیں بلکہ امتِ مسلمہ ہی نہیں بلکہ پوری انسانیت کے لئے ایک حیاتی ضرورت ہے۔ ان کے بقول، اگر مسلمان دنیا کے مادہ پرستوں اور تاریخ کے خون آشام دشمنوں کو شکست دینا چاہتے ہیں تو انہیں پرچمِ وحدت بلند رکھنا ہوگا۔
مدیر جامعہ امام جعفر صادق علیہ السلام جونپور نے اپنے خطاب میں کہا کہ آج اسلام اور مسلمانوں کا وقار اپنے عروج پر پہنچ چکا ہے اور یہ آیت اللہ خامنہ ای کی قیادت کی وجہ سے ہے۔ انہوں نے اسلامی اتحاد کی راہ پر سب سے زیادہ بامعنی اور بلند قدم اٹھائے ہیں اور اس کے اثرات دنیا میں ظاہر کیے ہیں۔
آخر میں حجۃ الاسلام و المسلمین سید صفدر حسین زیدی نے کہا کہ "ہفتہ وحدت" کے دوران ممتاز اور نیک شخصیات کی موجودگی کے ساتھ وحدت اسلامی کانفرنس کا انعقاد دشمنوں کی شکست اور اسلام کی فتح کی واضح علامت ہے۔ اس اتحاد کو برقرار رکھنا ضروری ہے تاکہ امت مسلمہ دشمنوں کی سازشوں کا مقابلہ کرسکے۔
آپ کا تبصرہ