حوزہ نیوز ایجنسی کی رپورٹ کے مطابق، غاصب صیہونی اور امریکی ظلم و جبر کے خلاف برسر پیکار فلسطینی مزاحمت نے مقبوضہ علاقوں میں یمن کے کامیاب ڈرون حملوں پر مبارکباد پیش کی ہے۔
واضح رہے ان حملوں میں غاصب صیہونیوں کو بھاری جانی نقصان پہنچا ہے۔
عبرانی ذرائع کے مطابق، مقبوضہ علاقوں پر یمنی ڈرون حملے میں زخمی ہونے والوں کی تعداد پچاس ہو گئی ہے۔
ان حملوں کے بعد فلسطینی مزاحمت نے اس بات پر زور دیا ہے کہ یمنیوں نے غاصبوں کے غرور اور تکبر کو نیست و نابود کر دیا ہے اور اسرائیل کے دفاعی، فوجی اور انٹلیجنس نظام کی نزاکت اور کمزوری کو بے نقاب کیا ہے۔
بیان میں کہا گیا ہے کہ وہ اپنے مجاہد بھائیوں اور یمنی حکام کو مبارکباد پیش کرتے ہیں۔
فلسطینی مزاحمتی تحریکوں نے مزید کہا ہے کہ ایلات میں یمنیوں کا بہادرانہ آپریشن اس بات کا ثبوت ہے کہ یمنی مسلح افواج تخلیقی صلاحیتوں، مہارت، درستگی اور ترقی کے اس درجے پر پہنچ گئی ہیں جو انہیں صیہونیوں کے استکبار اور جھوٹے غرور کو چکنا چور کرنے اور تباہ کرنے کے قابل بناتی ہے۔
بیان میں مزید کہا گیا کہ یمن میں مبارک آپریشن، ایمانداری سے کام کرنے کا عزم اور یمنی فوج اور عوام کا پختہ اور غیر متزلزل عزم امت اسلامیہ کی آواز اور مزاحمت کا حقیقی نمونہ ہے۔
فلسطینی مزاحمتی تحریکوں نے تاکید کی ہے یمنیوں کا عزم اور ہمت ثابت کرتی ہے کہ یمنی عوام ناقابلِ تسخیر ہیں اور وہ جو قربانیاں اور بھاری قیمت ادا کر رہے ہیں وہ درحقیقت دشمنوں کو بھاری ضربوں سے نمٹنے کا محرک بنتے ہیں۔
بیان کے مطابق، آپریشن ایلات نے اسرائیلی حکومت کے فضائی دفاع اور پورے فوجی اور انٹلیجنس آلات کی نزاکت اور کمزوری کو بے نقاب کیا اور یہ ظاہر کیا کہ نیتن یاہو اور اس کی نسل کشی کرنے والی صیہونی کابینہ میں موجود مجرم گروہ صیہونی عوام کو دھوکہ دے رہے ہیں۔
بیان کے آخر میں تاکید کرتے ہوئے کہا گیا ہے کہ ہم جہاد و مزاحمت کی سرزمین یمن میں اپنے بھائیوں اور یمن کی بہادر فوج، تحریک انصار اللہ اور یمن کی دلیر قیادت کو سلام پیش کرتے ہیں جو فلسطینی عوام اور ان کی مزاحمت کے حقیقی حامی ہیں۔
یہ بیان یمنی مسلح افواج کے ترجمان یحییٰ سریع کی جانب سے گزشتہ رات ایک بیان جاری کرنے کے بعد سامنے آیا ہے جس میں اعلان کیا گیا تھا کہ یمنی مسلح افواج نے دو ڈرونز سے مقبوضہ بندرگاہ میں دو اہداف کو کامیابی سے نشانہ بنایا ہے۔
واضح رہے یہ یمن کا گزشتہ 24 گھنٹوں میں یہ دوسرا آپریشن تھا۔
یہ بات قابلِ غور ہے کہ اسرائیلی میڈیا نے یمنی ڈرون کا مقابلہ کرنے میں متعدد دفاعی نظام کی ناکامی کا اعتراف کرتے ہوئے اس ناکامی کی وجوہات کے بارے میں قابض حکومت کی فضائیہ کی تحقیقات کو رپورٹ کیا۔
آئرن ڈوم سسٹم کو روکنے کے لیے داغے گئے دو میزائل یمنی ڈرون کو نشانہ بنانے میں ناکام رہے اور ڈرون مقبوضہ علاقوں پر جا گرا، جبکہ قابضین ہمیشہ اپنی ہلاکتوں کے اعداد و شمار کو چھپاتے اور سنسر کر رہے ہیں۔
عبرانی ذرائع نے اطلاع دی ہے کہ مقبوضہ علاقوں پر یمنی ڈرون حملے میں زخمی ہونے والوں کی تعداد پچاس ہو گئی ہے۔
عبرانی اخبار یروشلم پوسٹ نے اس حوالے سے کہا ہے کہ یمنیوں کو اسرائیل کی کمزوریوں کا پتہ چل چکا ہے اور ان کا اثر مسلسل، تباہ کن اور بالآخر مہلک ہے۔
صیہونی اخبار نے اس بات کا ذکر کرتے ہوئے کہ یمنی ڈرونز کی قیمت میزائلوں سے کم ہے، لیکن اس نے کافی نقصان پہنچایا ہے، طویل ہوتی جنگ میں خطرات متنوع ہو چکے ہیں۔ یمنی اسرائیل کے دفاعی نظام میں خلا کو عبور کرنے میں کامیاب ہو گئے ہیں۔
15:10 - 2025/09/25
آپ کا تبصرہ