حوزہ نیوز ایجنسی کی رپورٹ کے مطابق، نشست میں امناء الرسل بین الاقوامی کانفرنس کے سربراہ حجت الاسلام والمسلمین اسکندری نے کانفرنس کے انعقاد کے مختلف طریقوں اور اقدامات کی پیشرفت پر رپورٹ پیش کی۔ ان اقدامات میں مقالات کی جمع آوری، مقالات کی تقریب رونمائی اور کانگریس کے انعقاد کی اطلاع رسانی شامل ہے۔
امناء الرسل بین الاقوامی کانگریس کے سربراہ نے کہا کہ شہید سید حسن نصراللّٰه کانگریس میں مقالات کی جمع آوری کے لیے لبنان اور عراق کو بھی اطلاع دی گئی ہے اور ان ممالک میں علمی گروہ اس پر کام کر رہے ہیں۔ مزید برآں، 20 خصوصی جریدے ملک کے اندر اور لبنان و عراق میں بھی شہید سید حسن نصر الله کی شخصیت پر خصوصی شمارے شائع کرنے کے لیے تیار ہیں۔
حجت الاسلام اسکندری نے یہ بھی بتایا کہ شہید سید حسن نصر الله کے سیاسی خیالات اور تبلیغی طریقوں پر تحقیق کے لیے 12 مختلف موضوعات پر تحقیقاتی سوالات تیار کیے گئے ہیں۔
انہوں نے مزید کہا کہ مجموعی طور پر 150 سے زائد ملکی اور بین الاقوامی نشستیں شہید نصر الله کی یاد میں منعقد کی جائیں گی اور ایران کے مختلف سفارتخانوں سے اس سلسلے میں رابطہ کیا گیا ہے، تاکہ یہ نشستیں متعدد ممالک میں بھی منعقد کی جا سکیں۔
حجت الاسلام اسکندری نے کہا کہ شہید سید حسن نصر الله کانفرس 2026 کی بہار میں منعقد کی جائے گی اور آئندہ سالوں میں آیت الله صافی گلپائیگانی اور آیت الله سید ہبۃ الدین شہرستانی کے متعلق بھی مختلف علمی و ثقافتی اداروں کی شراکت سے کانفرنسز منعقد ہوں گے۔
آپ کا تبصرہ