حوزہ نیوز ایجنسی کی رپورٹ کے مطابق، خواہران میثاقِ با ولایت کراچی پاکستان کے زیرِ اہتمام شہیدِ مقاومت سید حسن نصراللہؒ کی پہلی برسی کے موقع پر اسلامک ریسرچ سینٹر عائشہ منزل میں ایک عظیم الشان اجتماع کا انعقاد کیا گیا؛ اجتماع میں شہر بھر سے بڑی تعداد میں خواتین و طالبات نے شرکت کی۔
اس عظیم الشان اجتماع کا مقصد شہید سید حسن نصراللہؒ کی جدوجہد، فکری و مزاحمتی پیغام اور ان کے انقلابی نظریات کو اجاگر کرنا تھا۔
اجتماع سے بزرگ عالم دین آیت الله شیخ غلام عباس رئیسی، خانۂ فرہنگ ایران کراچی کے ڈائریکٹر ڈاکٹر سعید طالبی نیا، خانم طاہرہ فاضلی و دیگر نے خطاب کیا۔
مقررین نے شہید کے افکار سے شرکاء کو روشناس کروانے کے ساتھ ساتھ اتحاد، بصیرت اور عملی جدوجہد کے پہلوؤں پر خصوصی طور پر روشنی ڈالی۔
اجتماع کے دوران شہید مقاومت سید حسن نصرالله سے متعلق خانۂ فرہنگ ایران کی جانب سے شائع کردہ کتاب ’’مکتب نصراللہ‘‘ کی رونمائی بھی کی گئی۔
اجتماع میں شریک طالبات و خواتین نے خصوصی طور پر آویزاں کیے گئے بینرز پر شہید سید حسن نصرالله سے متعلق تاثرات بھی درج کیے۔
آپ کا تبصرہ