حوزہ نیوز ایجنسی کی رپورٹ کے مطابق، حجت الاسلام والمسلمین سید حسین مؤمنی نے حرم مطهرحضرت معصومہ (س) میں عشرۂ امامت و ولایت کے آغاز پر منعقدہ نشست میں خطاب کے دوران کہا: اگر انسان ایک مقام سے دوسرے بلند مقام تک پہنچنا چاہتا ہے تو اسے امتحان دینا ہو گا تاکہ اس کی اہلیت اور شان ثابت ہو جائے۔
انہوں نے مزید کہا: اللہ تعالیٰ لوگوں کو امتحان میں مبتلا کرتا ہے تاکہ یہ واضح ہو جائے کہ آیا وہ اللہ کے راستے سے خارج ہو جاتے ہیں یا پھر اسی راستے پر قائم رہتے ہیں۔
حرم مطهر کے خطیب نے کہا: شیطان ہماری عدم موجود چیزوں کو بڑا کر کے اور ہمارے پاس موجود چیزوں کو بے وقعت کر کے پیش کرتا ہے۔
انہوں نے کہا: روایات میں ہے کہ "البلاء اول الولا" یعنی مصیبت ولایت سے پہلے آتی ہے۔ جو شخص مقرب تر ہوتا ہے، اسے مصیبت کا جام بھی زیادہ دیا جاتا ہے۔
حجت الاسلام والمسلمین مؤمنی نے کہا: مصائب اور بلائیں دو صورتوں سے خالی نہیں ہیں: یا تو اللہ بندے کو رتبہ اور درجہ دینا چاہتا ہے اور اس کا مقام بلند کرنا چاہتا ہے، یا پھر وہ اس کے گناہ معاف کرنا چاہتا ہے۔ دونوں صورتوں میں بندے کو اللہ کی قضا پر راضی رہنا چاہیے اور شکوہ شکایت نہیں کرنا چاہیے۔
آپ کا تبصرہ