حوزہ نیوز ایجنسی کی رپورٹ کے مطابق، حزب اللہ کے سیکرٹری جنرل حجت الاسلام والمسلمین شیخ نعیم قاسم نے یوم عاشورا 1448ھ کے موقع پر عزادارانِ حسینی (ع) سے خطاب میں کہا:
بسم الله الرحمن الرحیم.
السلام علیک یا أبا عبد الله، السلام علیک یا ابن رسول الله، السلام علیک یا ابن أمیر المؤمنین سید الوصیین، السلام علیک یا ابن فاطمة الزهراء سیدة نساء العالمین.
السلام علیک یا أبا عبد الله وعلی الأرواح التی حلّت بفنائک، علیکم منی سلام الله ما بقیت أبداً وبقی اللیل والنهار، ولا جعله الله آخر العهد منی من زیارتکم.
السلام علی الحسین، وعلی علی بن الحسین، وعلی أولاد الحسین، وعلی أصحاب الحسین.
امام اور شہید رہبر سید علی خامنہ ای قدس سرہ پر سلام، امت کے شہیدوں کے سردار سید حسن نصراللہ رضوان اللہ تعالیٰ علیہ پر سلام۔
عاشورا خون کی تلوار پر فتح ہے۔ حسین کا خون آزادی اور نجات کی آگ کو پروان چڑھاتا ہے اور زینب کی آواز جہاد کے راستے پر چلنے والوں کے لیے الہام کا باعث ہے۔ عاشورا وہ روشنی اور نور کا پرچم ہے جو لوگوں کو فلاح و نجات کی طرف رہنمائی کرتا ہے۔
عاشورا؛ حسین سے مہدی تک عدل قائم کرنے کے لیے امداد اور تسلسل ہے۔ عاشورا نسلوں کی تربیت ہے تاکہ وہ باعزت زندگی گزار سکیں۔ عاشورا یہ تمام روایت ہے جو مستقبل کو تاریخ کی تابناکی سے جوڑتی ہے۔
کربلا وہ وقت ہے جو ابدی طور پر دہرایا جاتا ہے؛ وہ زمین ہے جو اپنے بیٹوں کے ساتھ سرفراز ہوتی ہے؛ وہ آسمان ہے جو اپنی برکتیں برساتا ہے؛ اور وہ سورج ہے جو طاغوت اور استبداد کی تاریکی کو مٹا دیتا ہے۔
عاشورا کے دن ایک جماعت امام حسین علیہ السلام کے ساتھ تھی۔ شہادت سے پہلی رات امام حسین علیہ السلام نے ان سے فرمایا: "میں تم سے زیادے وفادار اور بہتر ساتھی نہیں جانتا اور اپنے اہل بیت سے بہتر کوئی اہل بیت نہیں دیکھتا؛ اللہ میری طرف سے تمہیں بہترین جزا دے۔" انہوں نے بڑے عظیم اور شریفانہ موقف کے ساتھ جواب دیا؛ جیسا کہ مسلم بن عوسجہ نے کہا: "خدا کی قسم ہم آپ کو ہرگز تنہا نہیں چھوڑیں گے یہاں تک کہ اللہ جان لے کہ ہم نے آپ کی صورت میں اپنے پیغمبر کی حرمت کی حفاظت کی ہے۔ خدا کی قسم اگر میں جان لوں کہ مجھے قتل کیا جائے گا، پھر زندہ کیا جاؤں گا، پھر جلایا جاؤں گا، پھر زندہ کیا جاؤں گا اور پھر خاکستر کیا جاؤں گا اور یہ عمل میرے ساتھ ستر بار دہرایا جائے، تب بھی میں آپ سے جدا نہیں ہوں گا یہاں تک کہ آپ سے پہلے موت کو گلے لگا لوں؛ پس میں ایسا کیوں نہ کروں جبکہ صرف ایک بار موت آنا ہے اور اس کے بعد ایسی کرامت ہے جس کا کوئی انجام نہیں؟"
یہ عاشورائی منظر، تاریخ کا ابدی استعارہ ہے—ایثار، بخشش اور جاودانگی کی علامت۔ یہ عاشورائی منظر ہی وہ حقیقی اور انقلابی تحریک ہے جو معادلات کو تبدیل کر دیتی ہے اور طاغوتوں کو گرا دیتی ہے۔
ہم خود امام حسین علیہ السلام سے ویسے ہی کہتے ہیں جیسے ان کے ساتھیوں نے کہا: اے حسین، ہم تمہیں ہرگز تنہا نہیں چھوڑیں گے۔
اور ہم ہمیشہ اور جہاد کے تمام میدانوں، نصرت کے محاذوں، اور حق کے قیام اور زمین و انسان کی آزادی کے مواقع پر کہتے ہیں: لبیک یا حسین۔
دور سے کچھ دھیمی آوازیں آئیں جو ہم سے سوال کر رہی تھیں کہ ہم کیوں امام حسین علیہ السلام کے ساتھ ہیں تو شہداء کے خون نے ابل کر طاغوتوں، امریکہ اور اسرائیلی دشمن کو شکست دی اور موجوں کے ذریعے انہیں پیغام بھیجا: حسینیان فاتح ہیں اور جو اس قافلے سے پیچھے رہ گئے، وہ ناکام ہیں۔
ہمیں حزب اللہ، اس کے لوگوں اور لبنان میں اس سے وابستہ شہریوں کے وجود کو ختم کرنے کی جنگ کا سامنا کرنا پڑا۔ امریکی وزیر خارجہ روبیو کہتے ہیں: اسرائیل لبنان میں اس لیے موجود ہے کیونکہ حزب اللہ اسے میزائلوں سے نشانہ بناتا ہے۔ نہیں؛ اسرائیل لبنان میں اس لیے موجود ہے کیونکہ وہ اسے نگلنا چاہتا ہے۔ اسرائیل لبنان میں اس لیے موجود ہے کیونکہ وہ "گریٹر اسرائیل" جیسے مذموم منصوبوں کے حصول کے لیے اس پر قبضہ کرنا چاہتا ہے اور مقاومت تو صرف جارحیت اور ظالمانہ قبضے کے جواب میں وجود میں آئی ہے۔
یہ اسرائیلی-امریکی جارحیت—جو زمین، سمندر اور فضا سے شہریوں، درختوں، پتھروں اور زندگی کے خلاف، ہر قسم کے ہتھیاروں کے ساتھ مختلف ممالک اور ان کے ایجنٹوں کا استعمال کرتے ہوئے فوج، مذہب اور فرقوں کے درمیان فتنہ انگیز منصوبوں کے ساتھ، سیاسی جرائم اور مالی محاصرے کے ذریعے اور تعلیمی، تربیتی، سماجی اور ثقافتی اداروں کو نقصان پہنچانے کے پروگراموں کے ساتھ کی گئی—ایک بڑی جنگ اور ایک عظیم خطرہ تھی جسے ہماری موجودگی کو ختم کرنے کے لیے ڈیزائن کیا گیا تھا۔ لیکن اللہ کے فضل سے، ہمارے تمام شریف اور آزاد لوگوں کے کربلائی موقف کے ذریعے ہم اس جارحیت کو روکنے میں کامیاب رہے اور ایک بڑا کارنامہ حاصل کیا۔
ہم بلند آواز سے اعلان کرتے ہیں: ہم نے اسرائیلی-امریکی منصوبے کو خاک میں ملا دیا اور ایک نئے مرحلے میں داخل ہو گئے ہیں اور جو کوئی اب کچھ کرنا چاہتا ہے اسے اس نئے مرحلے کے حالات کے مطابق عمل کرنا چاہیے۔
ہم ایران کا شکریہ ادا کرتے ہیں؛ ہم ایران کا شکریہ ادا کرتے ہیں حتیٰ کہ یہ تشکر بیمار دلوں تک بھی پہنچے اور انہیں حسرت میں مبتلا کر دے۔ ہم ایران کے شکرگزار ہیں اور تمہارے ساتھ رہیں گے۔ ہم چاہتے ہیں کہ تم ہمارے ساتھ رہو اور ہم ایک مشترکہ صورتحال اور ایک متحدہ محاذ پر قائم رہیں کیونکہ یہ واضح ہو چکا ہے کہ آپ کی طاقت، میدان میں مجاہدین کی طاقت کے ساتھ مل کر، ایک مناسب توازن قائم کرنے میں معاون ہے—ایسا توازن جو ہمیں ایک نئے مرحلے میں منتقل کرتا ہے: اسرائیلی منصوبے کو خاک میں ملانے اور اسرائیلی رجیم کو ہماری سرزمین سے نکال باہر کرنے کی راہ ہموار کرنے کا مرحلہ۔
آخر میں، ضروری ہے کہ ہم غزہ اور فلسطین کے عوام کو سلام پیش کریں۔ اے شریف اور عظیم قربانی دینے والو، دنیا نے تم پر ظلم کیا لیکن تمہارے شہداء کا خون اور تمہاری قوم کی قربانیاں آزادی، عزت اور نجات کا بنیادی عنوان رہیں گی۔ ہم تمہارے ساتھ ہیں۔ فلسطین اور اس کی آزادی ہمارا قطب نما اور ہدف رہے گی۔ ہم فلسطینی قوم کے ساتھ مل کر اس کی آزادی پر ایمان رکھتے ہیں اور ان شاء اللہ یہ جلد حاصل ہوگی۔
اس مقام پر ہم اپنے عزیز اور فداکار یمنی قوم کو، اس کی شریف قیادت کو اور اس کے مسلح افواج کو سلام پیش کرتے ہیں—وہ لوگ جنہوں نے اس وقت فلسطین، لبنان اور محور مقاومت کا ساتھ دیا جب دنیا نے انہیں چھوڑ دیا تھا، تمام مشکلات اور سخت حالات کے باوجود۔ وہ انتہائی شریف لوگ ہیں اور جانتے ہیں کہ حق کہاں ہے۔
نیز عراق کی قوم، مرجعیت، حشد الشعبی، عوام اور حکومت کو سلام، جنہوں نے ہماری حمایت کی، ہماری مدد کی اور ہمارے ساتھ رہے۔
بالآخر حق والے ہی فتح یاب ہوں گے اور ہم اس نعرے پر قائم رہیں گے: "ہیهات منا الذلة" (ذلت ہم سے دور ہے)۔
السلام علی الحسین، وعلی علی بن الحسین، وعلی اولاد الحسین، وعلی اصحاب الحسین
والسلام علیکم ورحمۃ اللہ وبرکاتہ۔
آپ کا تبصرہ