شاعر: مولانا محمد ابراہیم نوری
حوزہ نیوز ایجنسی|
کربلا منبعِ تنویر نہیں تو کیا ہے
خلد یہ شاۂ کی جاگیر نہیں تو کیا ہے
چودہ صدیوں سے صدا گونج رہی ہے اب تک
کربلا راہِ ابد گیر نہیں تو کیا ہے
جس کو شبیرٔ کے مقصد کی بقا کہتے ہیں
بنت زہراء تری تقریر نہیں تو کیا ہے
دیکھ اے چشمِ براہیم رخِ کربوبلا
یہ ترے خواب کی تعبیر نہیں تو کیا ہے
اللہ اللہ علی اکبر کی اذانِ آخر
زیستِ نعرۂ تکبیر نہیں تو کیا ہے
صبح دم آگیا گھر شام کا بھولا بھٹکا
یہ بھلا خوبیٔ تقدیر نہیں تو کیا ہے
دیکھتے ہی علی اکبرٔ کو سبھی کہنے لگے
رب کے محبوب کی تصویر نہیں تو کیا ہے
ذاکر و زائرِ شبیر ترا ہو جانا
کرمِ کاتبِ تقدیر نہیں تو کیا ہے
اپنی جھنکار سے ظالم کو کیا ہے رسوا
یہ ظفریابئ زنجیر نہیں تو کیا ہے
تو نے قرآن میں جو آیۂ تطہیر پڑھی
مدحتِ چادرِ تطہیر نہیں تو کیا ہے
یہ اذاں تم جو مؤذن سے سنا کرتے ہو
فتحِ شبیرٔ کی تشہیر نہیں تو کیا ہے
برسرِ لوحِ بقا حرف جلی سے نوریَ
نامِ شبیرٔ کا تحریر نہیں تو کیا ہے
۔۔۔۔۔۔۔۔۔۔۔۔۔۔۔۔۔۔۔۔۔۔
از قلم مولانا محمد ابراہیم نوری قمی
آپ کا تبصرہ