حوزہ نیوز ایجنسی کی رپورٹ کے مطابق، اس ملاقات میں بالخصوص دینی مدارس کی ترقی، تبلیغِ دین، اسلامی تحقیق، تعلیمِ قرآن اور موجودہ دور میں علمی و فکری ذمہ داریوں سے متعلق مختلف امور پر سیر حاصل گفتگو ہوئی۔
انہوں نے موجودہ قومی اور علاقائی صورتحال پر روشنی ڈالتے ہوئے عالم اسلام کو درپیش چیلنجز، عالمی طاقتوں کی مداخلت اور امت مسلمہ کے اتحاد و بیداری کی ضرورت پر زور دیا۔
حضرت آیت اللہ حافظ سید ریاض حسین نجفی نے علماء، دینی مدارس اور مذہبی اداروں کی ذمہ داریوں کے مختلف پہلوؤں پر اہم رہنمائی کرتے ہوئے تدریسی، تحقیقی اور دینی خدمات کو مزید مؤثر بنانے کے لیے مفید ہدایات بھی دیں۔
اس موقع پر حضرت آیت اللہ حافظ سید ریاض حسین نجفی کے فرزند، جامعہ مدینۃ العلم کے مہتمم علامہ ڈاکٹر سید محمد نجفی بھی ان کے ہمراہ تھے۔
ملاقات کے اختتام پر حضرت آیت اللہ حافظ سید ریاض حسین نجفی نے امت مسلمہ، ملک کی سلامتی، دینی مراکز کی ترقی اور مسلمانوں کے اتحاد کے لیے خصوصی دعا بھی فرمائی۔
آپ کا تبصرہ