حوزہ نیوز ایجنسی کی رپورٹ کے مطابق، آیت اللہ قربان علی دری نجف آبادی نے اپنے درس خارج میں مشہد مقدس میں منعقد ہونے والی 33ویں قومی نماز کانفرنس کا ذکر کرتے ہوئے نماز کی ترویج اور اس کے روحانی و سماجی اثرات پر گفتگو کی۔
انہوں نے سورۂ حج کی آیت 41 کا حوالہ دیتے ہوئے کہا کہ اللہ تعالیٰ نے زمین میں اقتدار اور اختیار ملنے والے مومنین کی خصوصیات میں نماز قائم کرنا، زکوٰۃ ادا کرنا، نیکی کا حکم دینا اور برائی سے روکنا بیان کیا ہے۔ اس سے معلوم ہوتا ہے کہ اسلامی حکومت کی اہم ذمہ داریوں میں نماز کا قیام بھی شامل ہے۔
آیت اللہ دری نجف آبادی نے کہا کہ حکام سڑکوں، پلوں، بنیادی ڈھانچے اور اقتصادی مسائل پر توجہ ضرور دیں، لیکن اس کے ساتھ معاشرے میں معنویت اور خدا سے تعلق مضبوط کرنے کے لیے بھی اقدامات کریں، کیونکہ نماز انسان کی روحانی ترقی کا ذریعہ ہے۔
انہوں نے سورۂ حج کی دیگر آیات کا حوالہ دیتے ہوئے عبادت، جہاد، حق کا دفاع اور اسلامی معاشرے کی ذمہ داریوں کے باہمی تعلق کی طرف بھی توجہ دلائی۔
صوبہ مرکزی میں نمائندہ ولی فقیہ نے کہا کہ حقیقی نماز انسان کو خدا کی طرف متوجہ کرتی اور فحشا و منکر سے دور رکھتی ہے۔ نماز کے اثرات صرف دنیا تک محدود نہیں بلکہ اس سے انسان میں روحانی کیفیت مضبوط ہوتی اور دنیا و آخرت کی سعادت کی راہ ہموار ہوتی ہے۔
آپ کا تبصرہ