حوزہ نیوز ایجنسی کے بین الاقوامی نمائندہ خصوصی کی رپورٹ کے مطابق آیت اللہ سید محمد تقی مدرسی نے کورونا سے بچاؤ کے لئے صحت کے رہنما اصولوں پر عمل درآمد کرنے کے بارے میں پوچھے گئے سوالات کے جوابات میں کہا ہے کہ اس بیماری سے بچاؤ کے لئے حفاظتی ہدایات کی رعایت کرنا شرعاً واجب ہے۔
سوال کا متن :
ورلڈ ہیلتھ آرگنائزیشن کے بعد ، وزارت صحت نے ملک میں کورونا وائرس کے پھیلاؤ کی احتیاط اور روک تھام کے لئے مفصل اور متنوع رہنما اصول جاری کیا ہے ، جن میں ذاتی اور معاشرتی طرز عمل ، مارکیٹ کے معاملات اور عوامی نقل و حمل دونوں شامل ہیں۔
کیا اس کے لئے کوئی جواز ہے؟
اس طرح کے امور کا شرعی اعتبار سے کیا حکم ہے؟
جواب کا متن :
اگر اس بیماری کا پھیلاؤ تیز اور سنگین ہے ، معاشرے اور صحت عامہ کے لئے خطرے کا باعث ہے ، جس کی وجہ سے بڑی تعداد میں لوگ اس کی لپیٹ میں آئیں گے اور کچھ کی موت واقع ہوتی ہے تو ، دوسروں کو تکلیف نہ پہنچانے میں معاشرتی ذمہ داریوں کی بنا پر حفاظتی ہدایات پر عمل کرنا شرعاً واجب ہے . خداوند متعال فرماتا ہے کہ : (وَلَا تُلْقُوا بِأَیْدِیکُمْ إِلَی التَّهْلُکَةِ)
اپنے آپ کو ہلاکت میں نہ ڈالو.
روایت میں بھی قاعدہ فقہی کے طور پر آیا ہے کہ (لَا ضَرَرَ وَلَا إِضْرَارَ فِی الْإِسْلَام)
اسلام میں ، کسی کو نقصان پہنچانے کی کوئی گنجائش نہیں ہے۔
اور نہ ہی اسلام کسی دوسرے کو نقصان پہنچانے کی اجازت دیتا ہے۔
