حوزہ نیوز ایجنسی کے مطابق، پاکستان کے شہر ڈیرہ اسماعیل خان کے علاقہ کوٹلی امام حسین علیہ السلام میں مجلس علماء مکتب اہلبیت (ع) کے زیراہتمام تکریم شہداء و فکر امام خمینی (رہ) سمینار کا انعقاد کیا گیا۔
رپورٹ کے مطابق سمینار میں مرکزی، صوبائی اور ضلعی عہدیداروں نے شرکت کی۔ جن میں مجلس علماء مکتب اہلبیت (ع) کے مرکزی رہنماء علامہ سید عبدالحسین الحسینی، ایم ڈبلیو ایم کے صوبائی صدر علامہ جہانزیب علی جعفری، صوبائی جنرل سیکرٹری شبیر حسین ساجدی، علامہ حافظ نذیر، ایم ڈبلیو ایم ڈیرہ اسماعیل خان کے صدر مولانا سید غضنفر نقوی، مولانا سید جعفر نقوی، علامہ عابد حسین بہشتی کے علاوہ مختلف علاقوں سے آئے علمائے کرام اور متولیان امام بارگاہ شامل تھے۔
