۱ اردیبهشت ۱۴۰۳ |۱۱ شوال ۱۴۴۵ | Apr 20, 2024
سلام تشنہ لبی

حوزہ|بحقِّ آبِ فراواں بنامِ تشنہ لبی،تمام تشنہ لبوں پر سلامِ تشنہ لبی،ابھی بھی گونجتی رہتی ہے العطش کی صدا،کہ آج تک نہ ہوا اختتامِ تشنہ لبی۔

حوزہ نیوز ایجنسی|

سلامِ تشنہ لبی

بحقِّ آبِ فراواں بنامِ تشنہ لبی

تمام تشنہ لبوں پر سلامِ تشنہ لبی

ابھی بھی گونجتی رہتی ہے العطش کی صدا

کہ آج تک نہ ہوا اختتامِ تشنہ لبی

ابھی بھی جاری ہے زندہ سماعتوں کے لیے

فرازِ نوکِ سناں پر کلامِ تشنہ لبی

پلٹ کے دیکھا نہ پھر قیدیوں نے پانی کو

انہیں سفر میں رہا احترامِ تشنہ لبی

ہر ایک لب کے مقدر میں آ نہیں سکتا

کسی کسی کو ملا ہے مقامِ تشنہ لبی

اب اِس کے بعد اِسے معراجِ کربلا کہیے

بدل دیا علی اصغر (ع) نے نامِ تشنہ لبی

ہمیں ہے عشق شہیدِ فرات سے، ثاقب!

ہمارے ہاتھ میں رہتا ہے جامِ تشنہ لبی

۔۔۔۔۔۔۔۔۔۔۔۔۔۔۔۔۔۔۔

عباس ثاقب

6 محرم 1444ھ

4 اگست 2022ء

شام 8 بجے

قم المقدسہ

لیبلز

تبصرہ ارسال

You are replying to: .