حوزہ نیوز ایجنسی کی رپورٹ کے مطابق، سرینگر/معروف شیعہ رہنما اور پیپلز ڈیموکریٹک پارٹی (PDP) کے ایڈیشنل سیکرٹری جنرل آغا سید محسن مصطفی الموسوی کو بغیر کسی پیشگی اطلاع اور وضاحت کے رات گئے گھر میں نظر بند کر دیا گیا ہے۔
اطلاعات کے مطابق آغا سید محسن فلسطین کی حمایت میں ریلی میں شرکت اور خطاب کرنے والے تھے۔ ان کی رہائش گاہ دارالمصطفیٰ واقع بڈگام کشمیر کے باہر سیکورٹی اہلکاروں کی ایک بڑی نفری تعینات کر دی گئی ہے۔
اس دوران سینئر پی ڈی پی رہنما آغا سید محسن الموسوی نے فلسطینی عوام پرجاری اسرائیلی جارحیت اور مظالم کی سخت الفاظ میں مذمت کرتے ہوئے کہا کہ اگر صیہونی حکومت کی روکتھام نہ کی گئی تو اس کے برے اثرات خطے سمیت دنیا بھر کے انسانوں پر مرتب ہونگے۔
