حوزہ نیوز ایجنسی قزوین سے نامہ نگار کے مطابق، ایران کے صوبہ قزوین میں امورِ تبلیغات کے ڈائریکٹر جنرل حجت الاسلام پورآرین نے صوبہ میں عید غدیر کے موقع پر جشن اور تقریبات کے انعقاد کے لیے منعقدہ نشست میں خطاب کرتے ہوئے کہا: غدیر انتہائی قابل قدر اور اہمیت کی حامل ہے۔
انہوں نے رسول اکرم صلی اللہ علیہ وآلہ وسلم کی ایک حدیث کا حوالہ دیتے ہوئے کہا: یوم غدیر خم امت اسلامیہ کی بہترین عید ہے اور یہ وہ دن ہے جس کا خداوند کریم نے حکم دیا ہے اور اسے عظیم ترین عیدوں میں سے ایک قرار دیا ہے اور اس دن میرے بھائی امیر المومنین (ع) کو اپنے حبیب (ص) کی امت کا علمبردار اور سپہ سالار مقرر کیا ہے تاکہ وہ ان کے بعد اس کے توسط سے ہدایت پائیں اور یہ وہ دن ہے جس دن اللہ تعالیٰ اپنے دین کو تکمیل اور اپنی امت پر نعمتوں کو مکمل کیا اور اسلام کو ان کے دین کے طور پر پسند کیا۔
حجت الاسلام پورآرین نے مزید کہا: اسلامی معاشرے میں اس عظیم دن کے مقام کو بیان کرنا ایک اہم ترین ضرورت ہے اور ان ایام میں ہمارا اہم ترین کام حضرت امیرالمومنین علیہ السلام کے فضائل کو بیان کرنا اور غدیر کا تذکرہ ہونا چاہیے۔
انہوں نے خطبہ غدیر پڑھنے کی ضرورت پر تاکید کرتے ہوئے کہا: حضرت علی علیہ السلام کے فضائل کے ذکر کے مقصد سے مختلف مقامات پر عوامی پروگرامز کا انعقاد کیا جائے گا۔
