حوزہ نیوز ایجنسی کے مطابق، یمنی عوام نے ایک بار پھر صیہونیت مخالف وسیع مظاہرے کر کے صیہونی جارحیت کی مذمت اور فلسطینیوں سے اپنی بھرپور حمایت کا اعلان کیا۔
رپورٹ کے مطابق یمن کے دارالحکومت صنعا اور دیگر شہروں منجملہ صعدہ، وریمہ، مآرب، عمران، ایب، تعز، حجہ، ذمار اور المحویت سمیت یمن کے 330 مرکزی علاقوں میں صیہونی حکومت کے خلاف اور مظلوم فلسطینیوں کی حمایت میں مظاہرے کئے گئے۔
مظاہرین نے غزہ اور مسجد الاقصی کی حمایت اور صیہونیت مخالف بینرز اور پلے کارڈز اٹھا رکھے تھے جن پر "ہم تمہارے ساتھ ہیں" اور صیہونی حکومت کے وحشیانہ حملوں کی شدید الفاظ میں مذمت سمیت مختلف نعرے درج تھے۔
