حوزہ نیوز ایجنسی کی رپورٹ کے مطابق، مقبوضہ یروشلم کے مختلف علاقوں میں غاصب وزیراعظم نیتن یاہو کی حکومت کے خلاف مظاہروں میں شدت آنے کے بعد درجنوں مظاہرین کو گرفتار کیا گیا ہے۔
المیادین کے مطابق، مقبوضہ یروشلم کے مختلف علاقوں میں غاصب صیہونی وزیر اعظم نیتن یاہو اور اس کی کابینہ کے خلاف صیہونی عوام کی جانب سے احتجاجی مظاہروں میں شدت آرہی ہے۔
عبرانی میڈیا کے مطابق، تل ابیب اور ملحقہ شہروں میں پولیس اور مظاہرین کے درمیان تصادم اور چھڑپوں کے بعد مظاہرے پرتشدد رخ اختیار کر گئے ہیں۔
رپورٹ کے مطابق، تصادم کے دوران پولیس نے نیتن یاہو اور اس کی کابینہ کے مستعفی ہونے کا مطالبہ کرنے والے درجنوں مظاہرین کو گرفتار کیا ہے۔
صیہونی یرغمالیوں کے خاندانوں کی مشترکہ کمیٹی نے کہا ہے کہ تل ابیب میں پندرہ لاکھ اور دیگر شہروں میں ڈھائی لاکھ لوگوں نے سڑکوں پر نکل کر نیتن یاہو کے خلاف جاری مظاہروں میں شرکت کی ہے۔
