حوزہ نیوز ایجنسی کے مطابق، حزب اللہ لبنان کے سیکرٹری جنرل کی شہادت پر حضرت آیت اللہ العظمیٰ شبیری زنجانی کے تعزیتی پیغام کا متن حسب ذیل ہے:
بسم اللہ الرحمن الرحیم
وَسَیعْلَمُ الَّذِینَ ظَلَمُوا أَیَّ مُنْقَلَبٍ ینْقَلِبُونَ
لبنان کے مظلوم اور بے پناہ عوام کو خاک و خون میں غلطان کرنے اور حزب اللہ کے سیکرٹری جنرل حجۃ الاسلام والمسلمین جناب سید حسن نصراللہ اور ان کے کمانڈروں (رحمة اللہ علیہم) کو شہید کرنے والی ظالم اور متجاوز حکومت کے سنگین جرم نے دل کو انتہائی رنجیدہ کر دیا ہے۔
اس مبارز اور انتھک شخصیت کے مالک نے اپنی زندگی کے کئی سال آزادی، منحوس صہیونی حکومت کے خلاف جدوجہد اور مظلوم و ستم رسیدہ لوگوں کی حمایت اور مدد میں گزار دئے۔
اس دردناک مصیبت پر تعزیت پیش کرتے ہوئے ہم خداوند متعال سے دعاگو ہیں کہ حضرت ولی عصر عجل اللہ تعالی فرجہ الشریف کی عنایات کے سائے میں مؤمنین کو ان اشرار اور اسلام دشمن عناصر کی سازشوں سے محفوظ رکھے اور مسلمانوں کو نصرت و عزت عطا فرمائے۔
24 ربیع الاول 1446ھ
دفتر آیت اللہ العظمیٰ شبیری زنجانی
