حوزہ نیوز ایجنسی کے مطابق، سیکرٹری جنرل شیعہ علماء کونسل پاکستان علامہ شبیر حسن میثمی سے علامہ کرم علی حیدری مشہدی نے زہرا (س) اکیڈمی، کراچی میں ملاقات کی۔
رپورٹ کے مطابق اس ملاقات میں موجودہ ملکی و بین الاقوامی صورتحال پر تفصیلی تبادلہ خیال ہوا، بعد ازاں مہمان گرامی نے سیکرٹری جنرل شیعہ علماء کونسل پاکستان کو کربلائے معلی سے حرم امام حسین علیہ السلام و حضرت ابوالفضل العباس علیہما السلام کا پرچم بھی دیا۔
قابل ذکر ہے کہ اس موقع پر محترم سہیل رضا، محترم رفعت عباس زیدی اور سیکرٹری جنرل کے لیگل ایڈوائزر ایڈووکیٹ دلشاد بھی موجود تھے۔
سیکرٹری جنرل نے پرچم کو بوسہ دیا اور ملک و ملت کی سلامتی اور مجاہدین اسلام کی کامیابی کی بھی دعا کی۔
