حوزہ نیوز ایجنسی کی رپورٹ کے مطابق، دہلی؛ 17 شعبان المعظم کو شیعہ جامع مسجد کشمیری گیٹ میں انجمنِ دستہ عباسیہ کی جانب سے "جشنِ قمر بنی ہاشم" زیرِ صدارت مولانا سید محمد علی محسن تقوی امام جمعہ دہلی منعقد ہوا، جس میں سید گوہر کاظم کو فروغِ عزاء ایوارڈ سے نوازا گیا۔
اس جشن میں مولانا سید رئیس احمد جارچوی نے فضائل حضرت ابو الفضل عباس علیہ السلام بیان فرمائے، اس کے بعد مقامی اور بیرونی شعراء نے منظوم نذرانہ عقیدت پیش کیا۔
"جشن قمر بنی ہاشم" میں دہلی عزاداری یوٹیوب چینل اینڈ فیس بک پیج کے ذمہ دار سید گوہر کاظم کو ان کی مذہبی، عزاداری اور قومی خدمات پر "فروغ عزا ایوارڈ" سے نوازا گیا۔
واضح رہے کہ سید گوہر کاظم چند برسوں سے مجالس عزا، جلوس ہائے عزا، محافل مسرت بغیر کسی حق الزحمہ کے لائیو نشر کرتے ہیں اور اس سلسلے میں دہلی اور اطراف دہلی سمیت دیگر شہروں کا بھی سفر کرکے یہ خدمات انجام دیتے ہیں۔
آپ کا تبصرہ