حوزہ نیوز ایجنسی کی رپورٹ کے مطابق، وفاق المدارس الشیعہ پاکستان کے صدر آیت اللہ حافظ سید ریاض حسین نجفی نے علامہ گلاب علی شاہ رحمة اللہ علیہ کے فرزند پرنسپل جامعہ مخزن العلوم جعفریہ شیعہ میانی ملتان علامہ علی رضا نقوی کی وفات پر گہرے دکھ کا اظہار کرتے ہوئے سوگوار علمی خاندان سے تعزیت کیا ہے۔
انہوں نے اپنے تعزیتی بیان میں کہا کہ علامہ علی رضا نقوی مرحوم بلند پایہ مدرس اور علمی شخصیت تھے، ان کی تدریسی خدمات کو تادیر یاد رکھا جائے گا۔
انہوں نے کہا کہ علامہ علی رضا نقوی مرحوم اپنے والد علامہ سید گلاب علی شاہ کی طرف سے قائم اسلامی مراکز اور مدارس کی سرپرستی کر رہے تھے، ان کے بلند درجات کے لیے دعا گو ہیں۔
واضح رہے کہ مرحوم علامہ علی رضا نقوی، قائد ملت جعفریہ علامہ سید ساجد علی نقوی کے چچا زاد اور شیعہ علماء کونسل کے مرکزی سینیئر نائب صدر علامہ محمد تقی نقوی کے چھوٹے بھائی تھے۔
آیت اللہ حافظ ریاض حسین نجفی نے مولانا رضی عباس ہمدانی، قاضی شبیر حسین علوی اور مولانا غلام عباس کے انتقال پر بھی سوار خاندانوں سے اظہار تعزیت کیا اور مرحومین کی بلند درجات کے لیے دعا بھی کی اور ان کی علمی خدمات کو خراج عقیدت بھی پیش کیا۔
آپ کا تبصرہ