حوزہ نیوز ایجنسی کی رپورٹ کے مطابق، ایم ڈبلیو ایم گلگت بلتستان نے انٹرا پارٹی انتخابات کروائے، جس کے نتیجے میں آغا سید علی رضوی ایک مرتبہ پھر بھاری اکثریت سے ایم ڈبلیو ایم جی بی کے صدر منتخب ہو گئے ہیں۔
مجلس وحدت مسلمین کا دو روزہ صوبائی تنظیمی کنونشن گلگت میں ہوا، جس میں پارٹی کے تمام یونٹس عہدیداران نے اپنی کارکردگی رپورٹ پیش کی، جبکہ کنونشن کے دوسرے روز انٹرا پارٹی انتخابات کیے گئے۔
الیکشن میں الیکٹرول کالج نے حق رائے دہی کا استعمال کیا، جس کے نتیجے میں سید علی رضوی بھاری اکثریت سے ایم ڈبلیو ایم گلگت بلتستان کے صوبائی صدر منتخب ہو گئے۔
یاد رہے کہ صوبائی صدارت کے لیے سید علی رضوی کے علاوہ شیخ نیئر عباس مصطفوی اور عارف قبنری بھی امیدوار تھے۔
ایم ڈبلیو ایم کے الیکشن کمیشن کی طرف سے منعقدہ الیکشن کی شفافیت کو مقامی صحافی اور نوٹیبلز نے بھی مشاہدہ کیا۔
ایم ڈبلیو ایم پاکستان کے وائس چیئرمین علامہ احمد اقبال رضوی نے نو منتخب صدر کو مبارکباد دی اور ان سے حلف لیا۔
ایم ڈبلیو ایم کے سیکرٹری سیاسات اسد عباس نقوی نے آغا علی رضوی کی کامیابی پر مبارکباد دی۔
آپ کا تبصرہ