حوزہ نیوز ایجنسی کی رپورٹ کے مطابق، ایم پی اے علی ہادی نے ڈسٹرکٹ ہیلتھ آفیسر ڈاکٹر قیصر عباس بنگش کو قائدِ ملت جعفریہ پاکستان علامہ سید ساجد علی نقوی کی جانب سے عطیہ کردہ ادویات حوالے کیں، یہ ادویات پارا چنار کے ان دور دراز علاقوں میں منعقد کیے جانے والے میڈیکل کیمپس کے لیے فراہم کی گئی ہیں، جہاں صحت کی سہولیات تک رسائی مشکل ہے۔
اس موقع پر ڈسٹرکٹ ہیلتھ آفیسر ڈاکٹر قیصر عباس بنگش نے پاراچنار کے عوام کیجانب سے علامہ سید ساجد علی نقوی اور علی ہادی کا شکریہ ادا کیا اور کہا کہ آئندہ ہفتے سے مختلف علاقوں میں میڈیکل کیمپس کا آغاز کر دیا جائے گا۔
اس موقع پر ایم پی اے علی ہادی نے کہا کہ قائد ملت کی ہدایت پر محروم طبقات کے لیے یہ عملی اقدام کیا گیا ہے، تاکہ عوام کو فوری طبی امداد فراہم کی جا سکے۔
آپ کا تبصرہ