حوزہ نیوز ایجنسی کے مطابق، یوم عاشورہ کے موقع پر جاری اپنے پیغام میں صدر پاکستان آصف علی زرداری نے کہا: یہ دن نواسۂ رسول (ص) حضرت امام حسین (ع) اور اُن کے جانثار رفقاء کی عظیم شہادت کی یاد دلاتا ہے۔
صدر مملکت نے کہا: واقعہ کربلا باطل کے خلاف ایک ابدی جدوجہد کی علامت ہے، امامِ عالی مقام کی شہادت ایک الٰہی مشن تھا جس کی بنیاد صداقت، عدل اور خدا کی رضا تھی۔
انہوں نے کہا: کربلا ضمیر، کردار اور دین کی اصل روح کا امتحان تھا، امام حسین (ع) کا عظیم پیغام اصولوں پر ڈٹ جانے، ظلم و جبر کے سامنے نہ جھکنے کا درس دیتا ہے۔
صدر مملکت آصف زرداری نے کہا: آج ملک کو درپیش چیلنجز کے تناظر میں ہمیں بطور قوم حسینی کردار کی ضرورت ہے، ہمیں آج یہ عہد کرنا ہے کہ پاکستان کو امام حسین (ع) کے پیغامِ حریت اور عدل کا مظہر بنائیں گے۔
آپ کا تبصرہ