حوزہ نیوز ایجنسی کی رپورٹ کے مطابق، یوم اربعین کے موقع پر جموں و کشمیر انجمن شرعی شیعیان کے اہتمام سے حسب عمل قدیم وادی کے اطراف و اکناف میں خصوصی تقریات کا انعقاد کیا گیا۔ کئی مقامات پر مجالس عزا منعقد ہوئی اور جلوس ہاے عزا برآمد کئے گئے جن میں دسیوں ہزار عزاداروں نے شرکت کی۔
تصاویر دیکھیں:
جموں و کشمیر میں انجمن شرعی شیعیان کے اہتمام سے یوم اربعین کی تقریبات کا انعقاد
اربعین کے مرکزی جلوس آستانہ شریف بڈگام اور زیلدار محلہ سعیدہ کدل سرینگر سے برآمد کئے گئےعقیدت مندوں سے خطاب کرتے ہوئے تنظیم کے صدر حجت الاسلام والمسلمین آغا سید حسن الموسوی الصفوی نے مرکزی امام باڑہ بڈگام یوم اربعین کی مناسبت سے اسیران کربلا کے کردار و عمل کو شاندار خراج عقیدت نزر کرتے ہوئے کہا کہ یوم اربعین شہادت اعظمیٰ کے فکر و پیغام کی ترویج کے حوالے سے ایک تحریک و تاریخ ساز دن ہے۔
انہوں نے کہا کہ معرکہ کربلا کے بعد اسیران کربلا کے ساتھ جو واقعات پیش آئے ان میں اربعین ایک نمایا دن ہے اور بہت سے اہم واقعات اس دن سے منسوب ہے جن میں اسیران کربلا کی زندان سے رہائی شہر دمشق میں امام سجاد ؑ کی سرپرستی میں تاریخ کربلا کی پہلی مجلس عزا اور صحابی رسولﷺ حضرت جابر بن عبداللہ انصاری کا وارد کربلا ہو کر زیارت امام حسین ؑ بجا لانا شامل ہے۔
آغا صاحب نے کہا کہ ائمہ معصومین ؑ نے یوم اربعین کو خصوصی اہمیت دی ہے اور اس دن کو شہداے کربلا پر گریہ زاری اور زیارت شہدا بجا لانے کی تاکید کر رکھی ہے زیلدار محلہ سعیدہ کدل سرینگر میں حجت الاسلام آغا سید مجتبیٰ عباس الموسوی الصفوی نے یوم اربعین کے تاریخی پس منظر اور تحریکی اہمیت پر مفصل روشنی ڈالی۔
آپ کا تبصرہ