حوزہ نیوز ایجنسی کی رپورٹ کے مطابق، جموں و کشمیر انجمنِ شرعی شیعیان کے زیرِ اہتمام تلرزو بانڈی پورہ میں حسب سابق مجلسِ حسینی کا انعقاد ہوا، جس میں ہزاروں کی تعداد میں عزاداروں نے شرکت کی۔
تنظیم سے وابستہ مرکزی ذاکرین کرام نے مرثیہ خوانی کی، جبکہ نمازِ ظہرین حجت الاسلام والمسلمین آغا سید حسن الموسوی الصفوی کی اقتداء میں ادا کی گئی۔ بعد ازان آغا صاحب کی قیادت میں حسب روایت قدیم جلوس عزاء برآمد کیا گیا۔
جلوس سے پہلے مجلسِ حسینی سے خطاب کرتے ہوئے آغا حسن صفوی نے شہداء و اسیران کربلا ؑ کے کردار و عمل پر تفصیلی روشنی ڈالی اور معرکہ کربلا کے بعد دربار یزیدی تک اسیران کربلا ؑ کے ساتھ پیش آئے جگر سوز حالات و واقعات بیان کیے۔
انہوں نے کہا کہ خون شہداء کے وارث ہونے کے ناطے اسیران کربلاؑ نے حضرت امام سجاد ؑ کی سرپرستی میں جس کردار و عمل کا مظاہرہ کیا اس نے جبری خلافت کی بنیادوں کو ہمیشہ کے لیے ہلا کر رکھ دیا پھر کسی بھی حکمران نے اہلبیت نبوی ؑ سے بیعت کا تقاضا نہیں کیا، بلکہ ہر حکمران نے آئمہ معصومین ؑ کو تکالیف پہنچانے کی در پردہ سازشیں رچائیں۔
آپ کا تبصرہ