۱۴ تیر ۱۴۰۱ |۵ ذیحجهٔ ۱۴۴۳ | Jul 5, 2022
کشمیر

حوزہ/ زینبی سلام اللہ علیہا کے کردار سے ہی دنیاے اسلام میں نواسہ رسول ؐ حضرت امام حسین ؑ کے قیام کی عظمت و اہمیت اور امام ؑ کی مظلومیت کی تشہیر ہوئی

حوزہ نیوز ایجنسی کی رپورٹ کے مطابق،جموں و کشمیر انجمن شرعی شیعیان کے اہتمام سے 11ویں محرم کو وادی کے مختلف مقامات پر علم شریف اور ذوالجناح شریف کے جلوس برآمد کئے گئے سب سے بڑا جلوس ذوالجناح امام باڑہ یاگی پورہ سے برآمد کیا گیا جس میں دسیوں ہزار عزاداروں نے شرکت کی واضح رہے کہ انجمن شرعی شیعیان کے صدر حجت الاسلام والمسلمین آغا سید حسن الموسوی الصفوی ناسازگار صحت کی وجہ سے امسال اکثر مجالس و جلوس ہاے عزا میں شرکت نہ کرسکے آغا صاحب کی غیر موجودگی میں حجت الاسلام آغا سید مجتبیٰ عباس الموسوی الصفوی نے جلوس ہاے عزا کی نظارت کی ذمہ داری ادا کی۔

ماگام چوک میں عزا داروں کے ایک بڑے اجتماع سے خطاب کرتے ہوئے آغا مجتبیٰ نے شہداے کربلا ؑ کو عقیدت کا خراج نذر کیا اور روز عاشورا کے بعد کربلا سے کوفہ اور کوفہ سے شام تک اسیران کربلا سے جڑے دلدوز واقعات بیان کئے۔

انہوں نے کہا کہ اسیران کربلا بالخصوص علیامکرمہ جناب زینب ؑ کے کردار و عمل کے بدولت پیغام عاشورا آنے والی نسلوں کے لئے محفوظ رہا کربلا کی اس آہنی خاتون نے یزید کی استبدادی خلافت اور اسلام و انسانیت دشمن عزائم کا پردہ چاک کیا زینبی ؑ کردار سے ہی دنیاے اسلام میں نواسہ رسول ؐ حضرت امام حسین ؑ کے قیام کی عظمت و اہمیت اور امام ؑ کی مظلومیت کی تشہیر ہوئی۔

آغا مجتبیٰ نے کہا کہ عاشورا اسلام کی حیات نو کا باعث بنا اس عظیم کارنامے میں شہداے کربلا ؑ اور اسیران کربلا کا کردار یکسان اہمیت کا حامل ہے جن دیگر مقامت پر تنظیم کے اہتمام سے 11ویں محرم کو علم شریف اور ذوالجناح شریف کے جلوس برآمد کئے گئے ان میں بوپٹ بیروہ ،  لبرتل، کادی پورہ بڈگام ، سٹھسو کلان ، کنہ ہامہ چاڈورہ ،یارِ ستھرو،ٹیکی پورہ، وہاب پورہ بڈگام ، سونہ پاہ ، پارس آباد پورہ ، وترونی بڈگام ، مغل امام باڑہ وری پورہ بالہامہ سرینگر، امام باڑہ حسن آباد سرینگر، سرپورہ اوڑ ینہ ، گنڈ نوگام، نوگام بالا،بونہ محلہ نوگام  ، گگلو محلہ ذالپورہ ، بونہ محلہ اندرکوٹ سوناواری ،حاجی محلہ تلرزوہ سوناواری شامل ہے۔

تبصرہ ارسال

You are replying to: .
6 + 0 =