حوزہ نیوز ایجنسی کی رپورٹ کے مطابق، جموں کشمیر انجمنِ شرعی شیعیان کے اہتمام سے ساتویں محرم کو بھی وادی کے اطراف و اکناف میں متعدد مقامات پر جلوس عزاء برآمد کئے گئے۔
اس موقع پر سب سے بڑا جلوس حجت الاسلام والمسلمین آغاسید حسن الموسوی الصفوی کی قیادت میں حسب عمل قدیم گزر گنڈ بڈگام اور کری پورہ بڈگام سے برآمد ہوکر مرکزی امام باڑہ بڈگام میں اختتام پذیر ہوا۔
ان جلوسوں میں دسیوں ہزار عزاداروں نے شرکت کی۔
امام باڑہ گزر گنڈ میں مجلسِ عزاء سے خطاب کرتے ہوئے حجت الاسلام آغا سید مجتبیٰ عباس الموسوی الصفوی نے فلسفہ شہادت عظمیٰ کی وضاحت کی اور معرکہ کربلا کے اہداف ومقاصد کی تشریح کی۔
جن دیگر مقامات پر علم شریف اور تعزیہ کے جلوس برآمد ہوئے ان میں اندرون کاٹھی دروازہ سرینگر تا قدیمی امام باڑہ حسن آباد، وتہ ماگام بیروہ، آستان پورہ چھترگام چاڑورہ، سنزی پورہ چاڑورہ، سوٹھ کٹرباغ چاڑورہ و آستانہ شریف سید صالح ؒیاگی پورہ ماگام، سونہ پاہ بیروہ، میر گنڈ بڈگام،پاریس آباد بڈگام ،امام باڑہ بٹہ چک راجہ محلہ دندوسہ، گنائی محلہ گریند کلان بڈگام، توحیدیہ اسکول شالنہ چاڑورہ ،امام باڑہ پائین محلہ گریند،لبر تل بڈگام ، آستان شریف بابا حیدر علی چاڑورہ ،ڈار محلہ ریشی پورہ بڈگام، شالیمار، کرالہ پورہ جڈی بل ، جے کے پی سی سی اگروباغ سرینگر، آباد پورہ گامدو، نوگام سوناواری، کائو پورہ بالا، بونہ محلہ اندرکوٹ، گگلو محلہ ذالپور،مدون، اوڑینہ سوناواری، لالہ حاجی اوڑینہ ،چھانہ محلہ پائین نوگام،دیورہ بارہ مولہ، ملہ پورہ دوسلی پورہ پٹن بارہ مولہ،وکھرون پلوامہ شامل ہیں۔
آپ کا تبصرہ