حوزہ نیوز ایجنسی کی رپورٹ کے مطابق، جموں و کشمیر انجمنِ شرعی شیعیان کے زیرِ اہتمام مشتہر شدہ محرم پروگرام کے تحت مجالس عزاء اور جلوس ہائے عزاء کے سلسلے میں نویں محرم الحرام کو بھی وادی بھر میں جلوس ہائے عزاء برآمد کیے گئے۔
جن مقامات پر علم شریف کے بڑے بڑے جلوس برآمد ہوئے ان میں نارس پورہ بڈگام ،چاکرپورہ بیروہ ، پیمس ، وترونی ، چوندہ پورہ،ڈرہ بل،درگنڈ، بمنہ،لبرتل،لکھری پورہ ، شالہ کوٹ اوڑورہ بڈگام، غوطی پورہ، طالہ پورہ خانصاحب ، رانی پورہ اوٹلہ گام ،سہہ پورہ بیروہ وبڈگام،کینہ ہامہ چاڑورہ ، ڈف پورہ بڈگام، امام باڑہ امام زین العابدینؑ بونہ ہامہ بیروہ ، روضہ آنگن بڈگام ، یارِ ستھرو خانصاحب، ٹکی پورہ تا امام بارگاہ میرگنڈ بڈگام ، سارت پورہ ۔کانی کچی میر بحری، لشکری محلہ شالیمارسرینگر، گائو کدل سرینگرتا مندر باغ گائوکدل ،زیون بالا الائی محلہ سرینگر، پنچ کرواری سید میرک شاہ کالونی زکورہ کراسنگ،عشائی باغ تا امام باڑہ حسن آباد منسلک با جلوس ذوالجناح شریف از صوفی کارپیٹس حاجی محلہ تا امام باڑہ حسن آباد، جلوس تعزیہ از خانقاہ میر شمس الدین اراکیؒ علمگری بازار سرینگر،گلشن باغ بوٹہ کدل سرینگر ،جامع مسجد نوگام سوناواری ،مدون حاجن، امام باڑہ لالہ حاجی اوڑینہ ، آستان شرین تیمور شاہ اوڑینہ، گگلو محلہ ذالپورہ سوناواری، مولوی محلہ گامدو گاڑہ کھڈ سوناواری،اوڑینہ سوناواری،موسوی پارک اندرکوٹ سوناواری، زاڈی محلہ و دیورہ پٹن،صوفی پورہ پہلگام، ہردہ کیتھل اننت ناگ شامل ہیں۔
گائو کدل سرینگر میں برآمد جلوس ذوالجناح شریف میں حجت الاسلام آغا سید مجتبیٰ عباس الموسوی الصفوی نے شرکت کی اور اسلامی معرکات میں معرکہ کربلا کی انفرادیت اور عظمت کے کئی گوشوں کی وضاحت کی۔
انہوں نے شہدائے کربلا ؑکو خراجِ عقیدت پیش کرتے ہوئے کہا کہ عصر حاضر کے حالات اور دنیائے اسلام کو درپیش مصائب و مشکلات کے تناظر میں پیغام کربلا کی اہمیت اور افادیت اور بھی واضح ہوتی جا رہی ہے۔
انہوں نے کہا کہ ان ماتمی مجالس اور جلوسوں کی وساطت سے ہمیں اپنے کردار و عمل کی اصلاح اور ذمہ داریوں کی طرف متوجہ ہونا چاہیے۔
آپ کا تبصرہ