حوزہ نیوز ایجنسی کے مطابق، تحصیل بھوآنہ کے سیلاب متاثرہ علاقوں میں علمائے کرام، بزرگان اور مدرسہ کلیتہ العباس علیہ السلام کی نگرانی میں 350 متاثرہ گھرانوں تک مسالک و مکاتب سے بالاتر ہوکر، مکمل عزت و شرف کے ساتھ ان کی خدمت میں اشیائے خورد و نوش پہنچائی گئیں اور اس موقع پر قائد ملت جعفریہ پاکستان علامہ سید ساجد نقوی کا سلام و پیغام بھی پہنچایا گیا۔
رپورٹ کے مطابق سیلاب متاثرین کے ساتھ تعاون کے سلسلے میں مدرسہ کلیتہ العباس علیہ السلام میں علمائے کرام، علاقائی عمائدین، بزرگان، شخصیات اور مومنین نے علامہ سید ساجد علی نقوی، علامہ ڈاکٹر شبیر حسن میثمی، قومی جماعت کے کارکنان اور زہرا (س) اکیڈمی پاکستان کے معاونین و رضاکاران کا دل کی اتھاہ گہرائیوں سے شکریہ ادا کیا اور ان کی توفیقات خیر میں اضافہ کیلئے دعائیں بھی کیں۔
آپ کا تبصرہ