حوزہ نیوز ایجنسی کی رپورٹ کے مطابق، مرکز افکارِ اسلامی کے تحت جامعہ جعفریہ جنڈ میں شہید مقاومت سید حسن نصر الله کی پہلی برسی کی مناسبت سے ایک پروقار مجلسِ ترحیم منعقد ہوئی، جس سے جامعہ جعفریہ جنڈ کے پرنسپل اور شیعہ علماء کونسل کے فعال کارکن علامہ سید سعید حیدر ہمدانی نے خصوصی خطاب کیا۔
علامہ سعید حیدر ہمدانی نے کہا کہ شہید نصر اللہ نے پورے عالم اسلام پر گہرے احسانات کیے ہیں اور ان کی زندگی مقاومت کے فلسفے کی عملی تصویر تھی۔
انہوں نے زور دیا کہ اپنے محسنین کی یاد کو ہمیشہ زندہ رکھنا ہماری ذمہ داری ہے۔
اس موقع پر جامعہ کے سابق طالب علم مولانا میثم طہ کی قم المقدسہ سے تعلیم مکمل کرنے کے بعد واپسی پر خیر مقدم کیا گیا۔
مولانا میثم طہ نے اپنے خطاب میں شہید نصر اللہ کی سیرت کے چار نکات پیش کیے: حق کی حمایت، باطل کے خلاف ڈٹ کر مقابلہ، حلال و حرام کی پاسداری اور ظلم کے خلاف عدالت اجتماعی کے قیام کے لیے وقف زندگی اور کہا کہ امام زمانہ (عج) کے ظہور کے مقدس مقصد کی تکمیل میں ہم سب کو عدالت علوی و مہدی کے قیام کی توفیق عطا فرمائے۔
علامہ سید سعید حیدر ہمدانی نے دعائیہ کلمات میں کہا کہ اللہ تعالیٰ جامعہ جعفریہ جنڈ اور مرکز افکارِ اسلامی کی تمام شاخوں کو ترقی عطا فرمائے۔ ادارے کے منتظمین، اساتذہ اور معاونین کی خدمات کو شرفِ قبولیت بخشے۔
یہ پروگرام دینی بھائی چارے اور شہداء کے احترام کے جذبے سے لبریز رہا۔
آپ کا تبصرہ