حوزہ نیوز ایجنسی کی رپورٹ کے مطابق، قائدِ ملت جعفریہ پاکستان علامہ سید ساجد علی نقوی کی سرپرستی میں سیلاب سے متاثرہ افراد کو سہولیات فراہم کرنے کے لیے پہلا میڈیکل کیمپ بمقام کھرانوالا ڈیرہ میاں عمران مہدی جنجیانہ تحصیل شورکوٹ ضلع جھنگ میں لگایا گیا ہے۔
یہ میڈیکل کیمپ زیر میزبانی مولانا لیاقت علی سیال، برادر سید اسد عباس حسنی، مولانا سید ریاض حسین شاہ و دیگر برادران و مخلص کارکنان لگایا گیا ہے۔
سیلاب 2025ء کے متاثرین کی دلجوئی، تسلی، تشفی اور مرہم سازی کے لیے قائد ملت جعفریہ پاکستان کی زیر سرپرستی سید اظہار بخاری، مولانا قاسم جعفری، سید محمد باقر کاظمی، ڈاکٹر عاصم فرید کی زیر نگرانی نیڈ فاونڈیشن، باب العلم ٹرسٹ، ایس یو سی پاکستان اور ابوذر ویلفیئر سوسائٹی کے زیر انتظام و زیر اہتمام میڈیکل کیمپس کی شکل میں بہترین خدمات فراہم کی جا رہی ہیں۔
ان میڈیکل کیمپوں میں مستند و ماہر ڈاکٹرز اور کہنہ مشق میڈیکل اسٹاف نے سینکڑوں نہیں، بلکہ ہزاروں نادار و لاچار و غریب متاثرین کو مفت چیک اپ، مفت ادویات اور مفت ٹیسٹوں کی سہولت فراہم کی۔
21 سے 25 ستمبر تک منعقدہ میڈیکل کیمپس میں عرفان حسین ویہا، اعجاز حیدر اور ثقلین حیدر نے خصوصی معاونت کی۔
چند دن بعد دوسرے مرحلے کا آغاز کیا جائے گا جس کے انتظام کے لیے احباب و اہلِ درد سے معاونت کی خواہش ہے۔
آپ کا تبصرہ