حوزہ نیوز ایجنسی کی رپورٹ کے مطابق، شیعہ علماء کونسل پاکستان اور ذیلی اداروں کے تحت سیلاب زدگان کی داد رسی کے لیے 11 واں میڈیکل کیمپ، تحصیل جلالپور پیر والہ ضلع ملتان میں منعقد ہوا؛ جس میں سینکڑوں مریضوں کو مفت میں طبی سہولیات فراہم کی گئیں۔
واضح رہے یہ میڈیکل کیمپ، مولانا شرافت حسین مجتبائی تحصیل صدر ایس یو سی جلالپور پیروالا، ملک منتظر مہدی ایڈووکیٹ، میثم عباس مجتبائی و دیگر برادران و مخلص کارکنان کی میزبانی میں منعقد ہوا۔
سیلاب 2025ء کے متاثرین کی دلجوئی، تسلی، تشفی اور مرہم سازی کے لیے قائد ملّت جعفریہ پاکستان کی زیرِ سرپرستی اور سید اظہار بخاری، سید واصف حسین نقوی، مولانا غلام قاسم جعفری، سید محمد باقر کاظمی، ڈاکٹر عاصم فرید، ڈاکٹر ماجد رضا اور لیڈی ڈاکٹر ندا زہراء کی زیر نگرانی نیڈ فاونڈیشن، باب العلم ٹرسٹ، ایس یو سی پاکستان اور ابوذر ویلفیئر سوسائٹی کے زیرِ انتظام و زیرِ اہتمام میڈیکل کیمپس کی شکل میں بہترین خدمات کی فراہمی جاری ہے؛ جس میں مستند و ماہر ڈاکٹرز اور کہنہ مشق میڈیکل اسٹاف نے سینکڑوں نادار و لاچار و غریب متاثرین کو بلا تفریق مذہب و مسلک و فرقہ مفت چیک اپ، مفت ادویات اور مفت ٹیسٹوں کی سہولت فراہم کی گئی۔
آپ کا تبصرہ