حوزہ نیوز ایجنسی کی رپورٹ کے مطابق، پاکستان کی وزارتِ اطلاعات نے بعض غیر ملکی ذرائعِ ابلاغ کے پاکستان مخالف پروپیگنڈوں پر ردعمل ظاہر کرتے ہوئے واضح کیا ہے کہ پاکستان کا اسرائیل سے متعلق مؤقف بالکل واضح اور دو ٹوک ہے؛ پاکستان نے اسرائیل کو کبھی تسلیم نہیں کیا۔
پاکستان کی وزارتِ اطلاعات کا کہنا ہے کہ پاکستان کا فلسطینی حقِ خود ارادیت کی حمایت میں مؤقف واضح اور اصولی ہے، بے بنیاد اور من گھڑت کہانیاں گھڑ کر پاکستان کے خلاف زہریلا پروپیگنڈا کرنا دشمن میڈیا کا وطیرہ ہے۔ پاکستان سے متعلق بعض غیر ملکی میڈیا کا ایک اور جھوٹا پروپیگنڈا بے نقاب ہو گیا۔
پاکستانی وزارتِ اطلاعات و نشریات نے بعض غیر ملکی چینلز کے گمراہ کن دعوؤں کی تردید کردی ہے۔پاکستان کی وزارتِ اطلاعات و نشریات نے پاکستان کے خلاف غیر ملکی پروپیگنڈوں کی تردید کرتے ہوئے کہا ہے کہ پاکستان نے اسرائیل کو کبھی تسلیم کیا اور نہ ہی کوئی فوجی تعاون زیرِ غور ہے۔
واضح رہے بعض غیر ملکی ٹی وی نے جھوٹا دعویٰ کیا ہے کہ پاکستان مغربی ممالک اور اسرائیل کی نگرانی میں 20 ہزار فوجی غزہ بھیجنے کی تیاری کر رہا ہے۔
بعض میڈیا نے یہ مضحکہ خیز دعویٰ بھی کیا ہے کہ پاکستان نے اپنے پاسپورٹ سے ’’اسرائیل کیلیے ناقابلِ استعمال‘‘ کی شق بھی ختم کر دی۔
وزارتِ خارجہ پاکستان کی جانب سے جاری کردہ پریس ریلیز کے مطابق، پاسپورٹ کی اسرائیل کیلیے ناقابلِ استعمال کی شق بدستور برقرار ہے اور اس میں کوئی تبدیلی نہیں کی گئی۔
ڈائریکٹوریٹ جنرل آف امیگریشن اینڈ پاسپورٹس پاکستان کے مطابق، پاکستانی پاسپورٹ پر اب بھی درج ہے کہ یہ پاسپورٹ اسرائیل کے علاوہ تمام ممالک کیلیے قابلِ استعمال ہے۔
انہوں نے غیر ملکی چینل کا پروپیگنڈا بے نقاب کرتے ہوئے واضح کیا کہ پاکستان کا اسرائیل سے متعلق مؤقف بالکل واضح اور دو ٹوک ہے؛پاکستان نے اسرائیل کو کبھی تسلیم نہیں کیا۔
پاکستانی وزارتِ اطلاعات نے مزید کہا ہے کہ پاکستان کا فلسطینی حقِ خود ارادیت کی حمایت میں مؤقف واضح اور اصولی ہے۔ بعض غیر ملکی ذرائعِ ابلاغ بے بنیاد اور من گھڑت کہانیاں گھڑ کر پاکستان کے خلاف زہریلا پروپیگنڈا کر رہے ہیں۔
آپ کا تبصرہ