حوزہ نیوز ایجنسی کی رپورٹ کے مطابق، سیلاب زدگان کی مدد اور داد رسی کے لیے تحصیل علی پور ضلع مظفرگڑھ پنجاب پاکستان کی بستی مورانی پھلن شریف میں فری میڈیکل کیمپ کا قیام عمل میں آیا؛ جس میں متعدد مریضوں نے اپنا مفت علاج کروایا۔
یہ میڈیکل کیمپ مولانا امداد حسین صابری رہنماء شیعہ علماء کونسل، دانیال عباس مورانی و دیگر برادران و مخلص کارکنان کی میزبانی میں قائم کیا گیا تھا۔
سیلاب 2025ء کے متاثرین کی دلجوئی، تسلی، تشفی اور مرہم سازی کے لیے قائد ملت جعفریہ پاکستان کی زیر سرپرستی سید اظہار بخاری ، مولانا قاسم جعفری ، سید محمد باقر کاظمی ، ڈاکٹر عاصم فرید کی زیر نگرانی نیڈ فاونڈیشن ، باب العلم ٹرسٹ ، ایس یو سی پاکستان اور ابوذر ویلفیئر سوسائٹی کے زیر انتظام و زیر اہتمام میڈیکل کیمپس کی شکل میں بہترین خدمات کی فراہمی کا سلسلہ جاری ہے؛ ان میڈیکل کیمپوں میں مستند و ماہر ڈاکٹرز اور کہنہ مشق میڈیکل اسٹاف نے ہزاروں نادار و لاچار و غریب متاثرین کو مفت چیک اپ مفت ادویات اور مفت ٹیسٹوں کی سہولت فراہم کی۔
12:31 - 2025/12/05
آپ کا تبصرہ