شیعہ علماء کونسل پاکستان اور ذیلی اداروں کے تحت سیلاب زدگان کے لیے بارہواں فری میڈیکل کیمپ کا تحصیل علی پور ضلع مظفر گڑھ میں انعقاد

حوزہ نیوز ایجنسی کی رپورٹ کے مطابق، شیعہ علماء کونسل پاکستان اور ذیلی اداروں کے تحت سیلاب زدگان کی داد رسی کے لیے بارہواں فری میڈیکل کیمپ، بیٹ چنہ سیت پور، تحصیل علی پور ضلع مظفر گڑھ میں لگایا گیا۔

یہ فری میڈیکل کیمپ، مولانا نجم الحسنین خان، برادر عشرت عباس خان، برادر غلام عباس خان، جام ملازم حسین خان، مولانا خورشید حسین خان، یاسر عباس خان اور دیگر برادران و مخلص کارکنان کی میزبانی میں لگایا گیا۔

واضح رہے سیلاب 2025ء کے متاثرین کی دلجوئی، تسلی، تشفی اور مرہم سازی کے لیے قائد ملّت جعفریہ پاکستان کی زیر سرپرستی، سید اظہار بخاری، سید واصف حسین نقوی، مولانا غلام قاسم جعفری، سید محمد باقر کاظمی، ڈاکٹر عاصم فرید کی زیرِ نگرانی اور نیڈ فاونڈیشن، باب العلم ٹرسٹ، ایس یو سی پاکستان اور ابوذر ویلفیئر سوسائٹی کے زیرِ انتظام و زیرِ اہتمام میڈیکل کیمپس کی شکل میں بہترین خدمات کی فراہمی جاری ہے؛ ان میڈیکل کیمپوں میں مستند و ماہر ڈاکٹرز اور کہنہ مشق میڈیکل اسٹاف نے ہزاروں نادار و لاچار و غریب متاثرین کو بلا تفریق مذہب و مسلک و فرقہ مفت چیک اپ، مفت ادویات اور مفت ٹیسٹوں کی سہولت فراہم کی۔