حوزہ نیوز ایجنسی کی رپورٹ کے مطابق، جامعۃ الزہرا(س) کی مدیر محترمہ سیدہ زہرہ برقعی نے ایک انٹرویو میں موجودہ دور میں خواتین کے حوزات علمیہ کی سماجی نمائندگی اور اثر و رسوخ میں منتظمین، اساتذہ اور طلباء کے فرائض کا تذکرہ کرتے ہوئے کہا: اگر اسلام کی تہذیبی نظر کو انسانوں کے سامنے بیان کیا جائے تو یقیناً وہ اس کی طرف مائل ہوں گے اور پھر استکبار کے آگے نہیں جھکیں گے، اسی وجہ سے دشمن نے منصوبے بنائے ہیں۔ لہٰذا اس مقاومت کے رہنما ہماری طالب علم خواتین ہیں جنہیں اساتذہ اور منتظمین کی مدد سے رہنمائی کرنی چاہیے تاکہ یہ مقاومت اپنے حتمی نتیجے تک پہنچ سکے۔
انہوں نے کہا: ہم ایک نازک دور میں ہیں اور ہمارے دشمنوں نے خواتین اور خاندان پر سرمایہ کاری کی ہے کیونکہ اسلام فطرت کے مطابق ہے، دوسری طرف اسلام کا تہذیبی نظریہ خواتین اور خاندان پر ہے اور یہ ان انسانوں کو اس طرف جذب کرتا ہے جو فطرت کے مطابق حرکت کرتے ہیں اور استکبار سے دوری اختیار کرتے ہیں۔
جامعۃ الزہرا(س) کی مدیر نے مزید کہا: اس راستے میں تیز رفتاری لانے کے لیے مختلف کام کرنے کی ضرورت ہے، بلاشبہ اس راستے کا ایک حصہ معرفت شناسی کا مسئلہ ہے۔ ہمیں دشمن کی حیثیت، اپنے وقت اور مقام کے بارے میں اپنی شناخت بڑھانی چاہیے کہ ہم کس صورت حال میں ہیں اور ہم کس دور میں ہیں۔
محترمہ خانم برقعی نے کہا: بصیرت کے اہم نکات میں سے ایک دشمن شناسی ہے۔ ہمیں دشمن، اس کے اہداف اور اس کی حکمت عملی کو اچھی طرح جاننا چاہیے، یہ ہر طالب علم اور استاد کا فرض ہے کہ وہ اپنے طلباء کی رہنمائی کرے۔
انہوں نے مزید کہا: ہمیں دشمن، وقت اور اپنی صلاحیتوں کو اچھی طرح جاننا چاہیے اور جاننا چاہیے کہ ہماری صلاحیت کتنی ہے، اپنے وسائل کو پہچانیں اور اس کے مقابلے میں جان لیں کہ دشمن کیا کر رہا ہے۔ اگر ہم انہیں اچھی طرح جانیں گے تو اس کی بنیاد پر ہم منظم منصوبہ بندی کر سکتے ہیں۔
آپ کا تبصرہ