حوزہ نیوز ایجنسی کی رپورٹ کے مطابق، ایرانی وزیرِ خارجہ سید عباس عراقچی، اعلیٰ سیاسی حکام، ممتاز دانشوروں اور ایران و دنیا کے معروف تھنک ٹینکس کے نمائندوں نے جنگ پر منعقدہ بین الاقوامی کانفرنس میں شرکت کی۔
اس کانفرنس میں 350 ایرانی و غیر ملکی مہمان شریک ہیں، جن میں سفارتی وفود، محققین اور تجزیہ کار شامل ہیں۔
مہمانوں کا تعلق فرانس، اٹلی، یونان، لبنان، عراق، آئرلینڈ، سلوواکیہ، انگلینڈ، فن لینڈ، روس اور متعدد علاقائی ممالک سے ہے۔
کانفرنس میں چار خصوصی پینل شامل ہیں، جن میں اسرائیل اور امریکہ کی جانب سے ایران پر جون میں کی گئی جارحیت، جوہری عدم پھیلاؤ معاہدہ کو لاحق خطرات اور علاقائی سلامتی کے انتظامات کا جائزہ لیا جائے گا۔
یاد رہے 13 جون کو غاصب اسرائیل نے ایران پر بلاجواز اور کھلی جارحیت کی، اس وقت واشنگٹن اور تہران جوہری مذاکرات میں مصروف تھے۔
غاصب اسرائیلی حملے سے 12 روزہ تک جنگ جاری رہی، جس میں کم از کم 1064 افراد شہید ہوئے، جن میں فوجی کمانڈر، جوہری سائنسدان اور عام شہری شامل تھے۔
اس جنگ میں امریکہ نے بھی میں شامل ہوا اور ایران کی تین جوہری تنصیبات پر بمباری کی، جو بین الاقوامی قانون کی سنگین خلاف ورزی تھی۔
جوابی کاروائی میں ایرانی مسلح افواج نے مقبوضہ علاقوں میں اسٹریٹجک مقامات اور قطر میں امریکی فوجی اڈے "العدیدہ" کو نشانہ بنایا، جو مغربی ایشیاء میں امریکہ کا سب سے بڑا فوجی اڈہ ہے۔
24 جون کو ایران نے غاصب اسرائیلی ریاست اور امریکہ کے خلاف کامیاب جوابی کاروائیوں کے ذریعے جارحیت کو روکنے میں کامیابی حاصل کی۔
آپ کا تبصرہ