حوزہ نیوز ایجنسی کی رپورٹ کے مطابق، راولپنڈی میں قائد ملت جعفریہ پاکستان علامہ سید ساجد علی نقوی سے شہید قائد علامہ عارف حسین الحسینی کے فرزندان حجت الاسلام مولانا سید علی حسینی اور سید حسین حسینی نے ملاقات کی۔
اس موقع پر شہید قائد کے فرزندان نے قائد محترم کی اہلیہ کے انتقال پر انہیں تعزیت و تسلیت پیش کی اور مرحومہ کی بلندی درجات کے لیے دعا اور فاتحہ خوانی بھی کی گئی۔
قائد ملت جعفریہ پاکستان علامہ سید ساجد علی نقوی نے شہید قائد علامہ عارف حسین الحسینی کے فرزندان اور تمام وفد کے لیے نیک خواہشات کا اظہار کرتے ہوئے ان کے لیے دعائے خیر کی۔
قابل ذکر ہے کہ ان کے ہمراہ غیور حسین اور برادر رضوان علی بھی موجود تھے۔
واضح رہے کہ قائد ملت جعفریہ پاکستان کی اہلیہ کا حال ہی میں انتقال ہوا ہے جس پر ملک بھر کی مختلف سیاسی، مذہبی اور سماجی شخصیات نے ان سے تعزیت کی ہے۔
آپ کا تبصرہ