1. اصلی صفحہ
  2. پاکستان
اتوار 3 مئی 2020 - 17:50
دین اسلام کی ترویج و تبلیغ کے لیے جتنی قربانیاں حضرت خدیجہ ؑ نے دیں اس کی تاریخ میں مثال نہیں ملتی،علامہ راجہ ناصر عباس جعفری

دین اسلام کی ترویج و تبلیغ کے لیے جتنی قربانیاں حضرت خدیجہ ؑ نے دیں اس کی تاریخ میں مثال نہیں ملتی،علامہ راجہ ناصر عباس جعفری

حوزہ/مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری نے ام المومنین ، ملیکة العرب حضرت خدیجہ سلام اللہ علیہا کے یوم وفات کے موقع پر اپنے پیغام میں کہا ہے کہ دین اسلام کی ترویج و تبلیغ کے لیے جتنی قربانیاں حضرت خدیجہ ؑ نے دیں اس کی تاریخ میں مثال نہیں ملتی۔آپ کی حکمت و بصیرت، رسالت کی ایک بہترین مددگار ثابت ہوئی۔

مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری نے ام المومنین ، ملیکة العرب حضرت خدیجہ سلام اللہ علیہا کے یوم وفات کے موقع پر اپنے پیغام میں کہا ہے کہ دین اسلام کی ترویج و تبلیغ کے لیے جتنی قربانیاں حضرت خدیجہ ؑ نے دیں اس کی تاریخ میں مثال نہیں ملتی۔آپ کی حکمت و بصیرت، رسالت کی ایک بہترین مددگار ثابت ہوئی۔رسول کریم صلی اللہ علیہ والہ وسلم کا حضرت خدیجہ ؑ سے اس قدر والہانہ لگاﺅ تھا کہ وہ جس سال حضرت خدیجہ ؑ اس جہان فانی سے رخصت ہوئیں اس سال کو آپ ﷺ نے عام الحزن یعنی غم کا سال قراردیا۔انہوں نے کہا دس رمضان المبارک ام المومنین ؑ کا یوم وفات پوری امت مسلمہ کے لیے غم کا روز ہے۔ *دریں اثنا ایم ڈبلیو ایم میڈیا سیل کیمطابق سربراہ مجلس وحدت مسلمین پاکستان علامہ راجہ ناصر عباس جعفری (آج) مورخہ 04مئی بروز سوموار سہ پہر تین بجے ایم ڈبلیو ایم کے مرکزی سیکرٹریٹ میں ایک اہم پریس کانفرنس سے خطاب کریں گے۔جس میں موجودہ ملکی صورت حال اور ملک بھر میں یوم علی علیہ السلام کے حوالے سے اہم احکامات کا اعلان بھی کرینگے*. علامہ راجہ ناصر عباس جعفری پہلے ہی اعلان کر چکے ہیں کہ عزاداری امام حسین علیہ السلام پر کسی قسم کی پابندی قابل قبول نہیں۔عزاداری ہمارا ایمان اور ہمارے عقائد کی بنیاد ہے۔ہم حسینی ہیں اور یاحسین ؑ یاحسینؑ ہمارے رگ و خون کی آواز ہے، کربلائے معلی، حرمین شریفین اور مشہد مقدس سمیت دنیا بھر کے مقامات مقدسہ میں ان احتیاطی تدابیر پر عمل کیا جارہا ہے جو کورونا کے پھیلاﺅ کو روکنے کے لیے ضروری ہے کیونکہ اللہ تعالیٰ نے ایک انسانی جان کی حفاظت کو پوری انسانیت کی حفاظت قرار دیا ہے۔پاکستان میں یوم علی علیہ السلام کے سلسلے میں عزاداری کے پروگراموں کے سلسلے میں ضروری طبی ہدایات پر عمل حالات کے عین متقاضی ہے۔اس حکومت کی ہدایات سمجھنے کی بجائے خداتعالیٰ کا حکم سمجھ کر سرانجام دینا ہو گا۔

News ID:360477

لیبلز

آپ کا تبصرہ

You are replying to: .
captcha