۹ فروردین ۱۴۰۳ |۱۸ رمضان ۱۴۴۵ | Mar 28, 2024
غافر رضوی

حوزہ/آئینہ دارِ افکارِ حسینی، امام خمینی(رح)؛ نتیجۂ فکر:سید غافر رضوی فلکؔ چھولسی

حوزہ نیوز ایجنسیl

اے خمینی رہبرِ قومِ تشیّع السّلام
اے خمینی مردِ میدانِ تواضع السّلام

اے خمینی پیکرِ صبر و شجاعت السّلام
اے خمینی مظہرِ وصفِ عدالت السّلام

اے خمینی دیں کے حامی اے محافِظ السّلام
اے خمینی مصحفِ وحدت کے حافظ السّلام

ظلم کے چھَکّے چھڑائے تیری ہمت کو سلام
کر رہے ہیں سورما بھی تیری جرآت کو سلام

پیروِ ابنِ مظاہر روح و جانِ انقلاب
تجھ سے ہی ایران میں قائم ہے شانِ انقلاب

اے مجاہد فی سبیل اللہ اے روحِ خدا
تونے ایوانِ ستم تحریر سے لرزا دیا

ہوگئی دنیا پہ ظاہر طاقتِ نوکِ قلم
رکھ لیا تعلیمِ اہلِ بیت کا تونے بھرم

ہم حسینی ہیں یزیدِ وقت کو سمجھا دیا
بیٹھ کر پیرس میں استعمار کو لرزا دیا

تیری جرآت سے تشیع عام ہے ایران میں
ہے یہاں نامِ علی شامل اہم ارکان میں 

اے خمینی اے حسینی فکر کے آئینہ دار
ہر عقیدت ہو فلکؔ کی تیرے قدموں پر نثار

نتیجۂ فکر: سید غافر رضوی فلکؔ چھولسی

لیبلز

تبصرہ ارسال

You are replying to: .