حوزہ نیوز ایجنسی کی رپورٹ کے مطابق مجلس اعلی اسلامی لبنان کے سربراہ آیت الله عبدالامیر قبلان نے اسرائیل کے خلاف ۳۳روزہ جنگ میں حزب اللہ لبنان کی فتح کی 14 ویں سالگرہ کی مناسبت سے اپنے پیغام میں کہا: ہمارے جوانوں کی شجاعت اور مقاومت نے دشمن کو شکست سے دوچار کر دیا۔

انہوں نے کہا: ہم شہداء کو سلام پیش کرتے ہیں کہ جنہوں نے اپنے خون سے وطن کی سر زمین کو سیراب کر دیا۔شہداء کرام ہمارے لئے ایثار و قربانی کے نمونے ہیں۔

انہوں نے مزید کہا: حضرت محمد مصطفی صلی اللہ علیہ وآلہ وسلم اور حضرت عیسی علیہ السلام کی تعلیمات دنیا کے مظلوموں کی حمایت کرنا ہے۔پس جہاں بھی مظلوم ہوں ہمیں ان کی حمایت کرنی چاہیے۔