۹ آذر ۱۴۰۰ |۲۴ ربیع‌الثانی ۱۴۴۳ | Nov 30, 2021
آغا سید حسن الموسوی الصفوی

حوزہ/ آغا سید حسن الموسوی الصفوی نے امید ظاہر کی کہ نو منتخب صدر آیت اللہ ابراہیم رئیسی اپنے منصب کا استعمال کرکے تنازعہ کشمیر کے منصفانہ حل کے لئے درد مندانہ کردار ادا کر کے کشمیری عوام کو مشکور و ممنون فرمائیں گے۔

حوزہ نیوز ایجنسی کی رپورٹ کے مطابق،اسلامی جمہوری ایران کے صدارتی انتخابات میں آیت اللہ سید ابراہیم رئیسی کی شاندار کامیابی پر دلی مسرت کا اظہار کرتے ہوئے جموں و کشمیر انجمن شرعی شیعیان کے صدر حجت الاسلام والمسلمین آغا سید حسن الموسوی الصفوی نے رہبر معظم آیت اللہ العظمیٰ سید علی خامنہ ای، ایرانی قوم اور دنیا بھر میں انقلاب اسلامی کے عقدیت مندوں کی خدمت میں مبارک باد پیش کی۔

آغا صاحب نے سید ابراہیم رئیسی کی کامیابی کو انقلاب اسلامی ایران کے تحفظ اور سربلندی اور ایرانی قوم کے جذبہ خود اعتمادی و خود انحصاری کے حوالے سے ایک سنگ میل قرار دیا اور ایرانی عوام کے اس فیصلے کو حضرت امام خمینی  ؒ کے انقلابی نصب العین کے ساتھ تجدید وفا کا مظاہرہ قرار دیا۔

آغا صاحب نے اللہ تعالیٰ سے دعا کی کہ ابراہیم رئیسی کو رہبر معظم کی سرپرستی میں انقلاب اسلامی اور ایرانی قوم کی خدمت کی توفیق عطا کریں۔ آغا صاحب نے امید ظاہر کی کہ نو منتخب صدر آیت اللہ ابراہیم رئیسی اپنے منصب کا استعمال کرکے تنازعہ کشمیر کے منصفانہ حل کے لئے درد مندانہ کردار ادا کر کے کشمیری عوام کو مشکور و ممنون فرمائیں گے۔

لیبلز

تبصرہ ارسال

You are replying to: .
8 + 6 =