حوزہ نیوز ایجنسی کی رپورٹ کے مطابق،ماہ مبارک رمضان کی پہلی جمعرات میں کربلائے عظیم اللہ خاں میں ہر نوچندی جمعرات کی طرح اس مہینہ کی نو چندی جمعرات میں بھی نماز مغربین کے بعد روزہ افطار کے بعد پروگرام کا آغاز کیا جس میں سب سے پہلے قرآن مجید کی تلاوت ہوئی جس کو مولانا شان حیدر صاحب نے انجام دیا پھر اس کے بعد مولانا رضی حیدر اور یاور علی شاہ صاحبان نے تقریر کی۔
تصویری جھلکیاں: روضہ مشہد مقدس ایران کی زیارت کے لئے ٹکٹ کی قرعہ اندازی
تقریر کے بعد حضرت امام علی رضا علیہ السلام فاؤنذیشن تالکٹورہ لکھنؤ کے اراکین نے شبیہ حرم امام علی رضا علیہ السلام کے خادمین کے درمیان قرعہ اندازی کی جس میں دس افراد کے روضہ مشہد مقدس ایران کی زیارت کے لئے نام نکلے۔ اس کے بعد مناجات امام علی رضا علیہ السلام اور نذر امام علی رضا علیہ السلام کا سلسلہ رہا پروگرام میں مؤمنین کی کثیر تعداد نے شرکت کی۔
آخر میں دعا کے ساتھ پروگرام اختتام پزیر ہوا۔ قرعہ میں نام آنے والوں کو سفر کی تاریخ کی اطلاع بعد میں دی جائے گی۔امید قوی کی جاتی ہے ١٥ جون تک سب لوگ امام کے دربار میں حاضری کا شرف حاصل کرلیں گے۔
19:57 - 2022/04/08