حوزہ نیوز ایجنسی کے مطابق، دنیا بھر کی طرح پاکستان بھر کے چاروں صوبوں بشمول گلگت بلتستان و آزاد کشمیر میں اربعین امام حسینی (ع) 1445 ھ کے بڑے اجتماعات منعقد ہوئے۔
رپورٹ کے مطابق پاکستان کے مختلف شہروں میں منعقدہ ان اجتماعات اور اربعین واک میں لاکھوں افراد نے شرکت کی۔ جن میں بچے، بوڑھے، جوان مرد و خواتین نے والہانہ انداز میں پیدل چل کر حضرت اباعبداللہ الحسین علیہ السلام سے اپنی محبت و عقیدت کا اظہار کیا۔
قابل ذکر ہے کہ پاکستان بھر میں اربعین امام حسینی (ع) 1445 ھ کے موقع پر اس سال کی مشی میں پچھلے سالوں کی نسبت (عزاداروں کی ) عوامی شرکت کئی گنا زیادہ تھی ۔ مشی کے دوران شرکاء کی پزیرائی کی گئی اور پورے راستوں خصوصا مرکزی جلوس کے راستوں پر نظم ونسق اور سہولیات وغیرہ کا بھرپور انتظام کیا گیا تھا۔
