حوزہ نیوز ایجنسی کی رپورٹ کے مطابق، حجت الاسلام والمسلمین علامہ سید عقیل الغروی نے قم المقدسہ میں دینی مدرسہ الولایہ خصوصی دورہ کیا اور طلباء و اساتذہ سے دینی، علمی اور تحقیقی موضوعات پر سیر حاصل گفتگو کی۔
انہوں نے طلاب کو مخاطب کرتے ہوئے کہا کہ آپ وہ لوگ ہیں، جنہیں آئمہ کرام علیہم السّلام اپنا سلام بھیجتے ہیں، چونکہ ہمارا کام، الٰہی امر کا احیاء ہے۔
علامہ عقیل الغروی نے طلاب پر قرآن مجید سے مانوس ہونے، علم تجوید اور قرآنی علوم سے زیادہ سے زیادہ آشنا ہونے پر زور دیا۔
انہوں نے الولایہ کے اساتذہ سے ملاقات کے دوران، ان کی علمی و ادبی اور تحقیقی صلاحیتیں جان کر انتہائی خوشی اور مسرت کا اظہار کیا۔
واضح رہے کہ مدرسہ الولایہ قم کے اساتذہ حوزہ علمیہ قم کے زیر اہتمام علمی سرگرمیوں میں مصروف عمل عربی مدارس میں تدريس بھی کرتے ہیں۔
اس موقع پر، علامہ سید عقیل الغروی نے دیوان ابو طالب علیہ السّلام کا تذکرہ کرتے ہوئے اس کا اردو ترجمہ کرنے کی خواہش کا بھی تذکرہ کیا۔
