حوزہ نیوز ایجنسی کے مطابق، اسلامی تحریک پاکستان کے مرکزی سیکرٹری جنرل اور سیاسی سیل کے سربراہ علامہ ڈاکٹر شبیر حسن میثمی کی سربرائی میں ایک وفدجھنگ پہنچا۔
وفد میں مرکزی سیکرٹری اطلاعات زاہد علی آخونزادہ شامل تھے۔
وفد نے عمائدین جھنگ سے ہوئی تفصیلی ملاقات میں جھنگ میں انتخابات کے حوالے سے تجاویز پر غور کیا اور جھنگ کے انتخابات کے حوالے سے عمائدین جھنگ کی آراء کو جمع کیا گیا۔
بعدازاں وفد نے قائد ملت جعفریہ علامہ سید ساجد علی نقوی کی خدمت میں جھنگ انتخابات کے حوالے سے رپورٹ پیش کی۔
قابل ذکر ہے کہ اسلامی تحریک پاکستان کے مطابق جھنگ کے انتخابات کے حوالے سے پالیسی جلد جاری کر دی جائے گی۔
