حوزہ نیوز ایجنسی کی رپورٹ کے مطابق، حجۃ الاسلام والمسلمین لطف اللہ دژکام نے آج قبل از ظہر حرم حضرت شاہ چراغ (ع میں منعقد نئے تعلیمی سال کی تقریب سے خطاب کرتے ہوئے کہا: آج ہم حوزہ علمیہ کا تعلیمی سال اساتذہ، علماء اور طلباء کی موجودگی میں شروع کر رہے ہیں، ہم خدا کا شکر ادا کرتے ہیں کہ اس نے ہمیں امام زمانہ کی خدمت کا موقع عطا فرمایا۔

انہوں نے مزید کہا : طلاب کے لیے امام زمانہ (عج) کا سپاہی ہونا ایک اعزاز ہے اور ہمیں امام زمانہ (عج) کو معاشرے میں متعارف کرانا چاہیے، حوزہ علمیہ کی ذمہ داری ہے کہ وہ ائمہ اطہار (ع) کی معرفت کو عام کرے۔

انہوں نے مزید کہا : امام زمانہ (عج) کی اطاعت اور فرمانبرداری ہماری اہم ذمہ داری ہے، اور دشمن اس اطاعت کے جذبے کو کمزور کرنے کی کوشش کر رہا ہے، ساتھ ہی ہمیں امام زمانہ (عج) کا حامی بھی ہونا چاہیے تاکہ ہم ولایت کے حامی بن سکیں۔